Renfe

Ikasleentzako hileko abonamendu erregionala

Orriaren edukia

Pertsona bakarrarentzako abonamendua da, pertsonalizatua eta besterenezina. Bere bitartez, bidaiariak nahi adina bidaia egin ahal izango ditu, joan-etorrikoak, bi geltoki jakinen artean, Media Distancia Convencional zerbitzuetako tarifa orokorraren / oinarrizko tarifaren prezio murriztuarekin, abonamendua indarrean den hilabetean eta aldez aurretik ordainduta. Abonamendu honen bidez, Unibertsitatera iristea erraztu nahi da.

Abonamendua egunero erabil daiteke hilabete natural batean, hilabeteko lehen egunetik azkeneraino, biak barne. Bi datak inprimatuta agertuko dira garraio-txartelean.

Prezio horiei ezingo zaie beste deskonturik aplikatu, Familia ugaria izateagatikoa eta baldintzetan berariaz aplika daitekeela diotenak izan ezik.

Unibertsitate hauetako ikasleei, irakasleei eta langileei zuzentzen zaie:

  • Galiziako unibertsitateak (Santiago de Compostela, A Coruña eta Vigo, eta Vigo, Ourense, Pontevedra, Ferrol eta Lugoko Unibertsitate-eskolak eta eskola profesionalak).
  • Gaztela eta Leongo unibertsitateak (Valladolid, Salamanca eta Burgos).
  • Castelló eta Valentziako unibertsitateak.
  • Gaztela- Mantxako unibertsitateak (Ciudad Realgo campusa, Albaceteko campusa, Toledoko campusa eta Cuencako campusa).
  • Andaluziako unibertsitateak (Granada, Almeria, Sevilla, Pablo Olavide, Kordoba, Huelva, Malaga eta Cadiz).
  • Zaragozako unibertsitatea.

Ikasleei zuzendua:

  • Euskal Herriko unibertsitatea.

Abonamendua saltzeko bideak

Geltokietako leihatiletan jaulkiko da, baina kredentzialak erakutsi beharko dira aurrez.

Lehen balio-eguna baino hamar egun lehenago eros daiteke gehienez.

Abonamenduan aldaketak egitea

Ez da onartzen abonamendua aldatzea.

Abonamendua baliogabetzea

Indarraldia hasi baino lehen soilik baliogabetu ahal izango da Abonamendua, prezioaren % 15eko murrizketa bat eginda.

Geltokietako leihatiletan baliogabetu ahal izango da abonamendua.

Erreserba formalizatzea

Derrigorrez formalizatu behar da bidaia bakoitza, eta formalizatu den ibilbiderako eta trenerako balioko du.

Erreserba formalizatzeko saltzeko kanalak

Geltokietako leihatiletan, autosalmentako makinetan eta formalizagailuetan formalizatu ahal izango da.

Formalizazioa aldatzea

Ezin da erreserbaren formalizazioa aldatu.

Formalizazioa baliogabetzea

Erreserbaren formalizazioa inolako kosturik gabe baliogabetu ahal izango du bezeroak.

Baina bezeroak tarifa garestiagoko tren batean formalizatu badu bidaia, inolako kosturik gabe baliogabetu ahal izango du, bi ordu baino lehen baliogabetzen badu. Une horretatik aurrera, bi prezioen artean ordaindutako aldearen % 15 ordaindu beharko du, gastu gisa.

Deskontuak lortu ahal izateko, bezeroak Ikasleentzako hileko abonamendu erregionala aurkeztu beharko du erreserbaren formalizazioarekin eta indarrean dauden egiaztagiriekin batera, eta bidaia amaitu arte gorde beharko ditu. Horretaz arduratzen diren langileek, gainera, abonamenduaren titularraren nortasuna ziurtatzen duen dokumentua ere eska dezakete.

Informazio osagarria