Renfe

BonoAVE

Orriaren edukia

Pertsona bakarrarentzako abonamendua da, izenduna eta besterenezina, eta BonoAVE abonamendua erosteko unean zehaztuko diren bi geltoki jakinen artean 10 bidaia egiteko balio du.

AVE zerbitzu guztietan eta, AVE trenen ibilbide bera duten, Abiadura handiko linean egindako Larga Distancia zerbitzu guztietan egin ahal izango dira bidaiak. Eseritako tokietarako soilik balio du abonamenduak.

BonoAve abonamenduarekin AVE zerbitzuen tarifa orokorra baino % 35 gutxiago ordainduko da, bezeroak erositako ibilbidearen arabera. Prezio horri ezingo zaio beste deskonturik aplikatu, Familia ugaria izateagatikoa eta baldintzetan berariaz aplika daitekeela diotenak izan ezik.

Ave-ren mapa

Erosten den egunetik hasi eta 4 hilabetez balioko du. Aldi horretan formalizatu beharko da lehen aldiz. Lehen aldiz formalizatu ostean, 4 hilabetez erabili ahal izango da. Indarrean den aldi horretan abonamenduaren zenbatekoa aldatuko balitz, erabili gabeko bidaiek baliozkoak izaten jarraituko dute iraungitze-datara arte, eta prezioa aldatu gabe.

BonoAVE mota hauek daude:

  • BonoAVE Preferente.
    BonoAVE Preferente abonamenduaren titularrak bere klasean edo maila baxuagoko batean formaliza dezake bere txartela. Ez du inolako konpentsaziorik izango klase baxuagoan bidaiatzeagatik.
  • BonoAVE Turista.
    BonoAVE Turista abonamenduaren titularrak Turista, Turista+ eta Preferente klaseetan formaliza dezake bidaia, baina azken bi horietan dagokion AVE tarifa orokorrarekiko prezioaren aldea ordaindu beharko du aldez aurretik.

Abonamendua saltzeko bideak

Geltokietako leihatiletan, Ceutako salmenta-bulegoan, www.renfe.com helbidean, bidaia-bulego fisikoetan eta birtualetan, telefono bidez Renfe Contigo 912 320 320, Renfe Ticket eta geltokietan aurki daitezkeen hainbat produktu saltzeko autosalmentako makinetan eskuratu ahal izango da.

Abonamendua baliogabetzea

Abonamendua kosturik gabe baliogabetu ahal izateko, ezingo da inolako eragiketarik egin harekin.

Abonamenduarekin eragiketaren bat egin bada, baina ez bada oraindik bidaiarik erabili, abonamenduaren % 15 ordainduta baliogabetu ahal izango da, baliogabetze-gastu moduan.

Geltokietako leihatiletan baliogabetu ahal izango da BonoAVE abonamendua, edozein bide erabiliz erosi dela-ere, bidaia-agentzia birtualetan izan ezik.

Bidaia-agentzia fisikoetan, bide horretan erositakoak soilik baliogabetu ahal izango dira. Agentzia birtualetan erositako txartelak jaulki dituen agentzia birtualean soilik baliogabetu ahal izango dira.

Erreserba formalizatzea

Bidaia bakoitzean derrigorrezkoa izango da erreserba formalizatzea.

Erreserba formalizatzeko saltzeko kanalak

Geltokietako leihatiletan, Ceutako salmenta-bulegoan, www.renfe.com helbidean, bidaia-bulego fisikoetan eta birtualetan, telefono bidez Renfe Contigo 912 320 320, Renfe Ticket eta hainbat produktu saltzeko autosalmentako makinetan eskuratu ahal izango da.

Erosi BonoAVE

Aldaketak

Ezin da formalizazioa aldatu.

Baliogabetzea

Formalizazioa inolako kosturik gabe baliogabetu ahal izango du bezeroak.

Trena galtzea

  • Renfe-ri egotz ezin dakizkiokeen arrazoiengatik trena galduz gero, eta 30 minutu baino lehen etortzen diren bezeroentzat (trenaren aurreikusitako irteera-ordutik hasita), bidaiaren jatorriko geltokian, lekua dagoen hurrengo trenean joateko aukera eskainiko zaie, Renfe-k irizten dizkion baldintzetan.
  • Tarifa orokorraren arabera kalkulatutako txartelaren prezioaren % 20, baldin eta jatorrizko txartelaren klase berean edo baxuagoan bidaiatuz gero.

Deskontuak lortu ahal izateko, bezeroak BonoAVE abonamendua aurkeztu beharko du erreserbaren gauzatzearekin eta indarrean dauden egiaztagiriekin batera, eta bidaia amaitu arte gorde beharko ditu. Era berean, baita titularraren nortasuna egiaztatzen duen dokumentua ere.

Informazio osagarria