Renfe

Tarjeta Dorada txartela

Orriaren edukia

60 urte baino gehiago dutenek, pentsiodunek eta desgaitasun handiak dituztenek eros dezakete txartel hau, eta deskontuak izateko eskubidea ematen die xedatutako baldintzen arabera.

Txartelaren onuradunakDokumentazioa
60 urte baino gehiagoko lagunei zuzendua. NAN, AIZ edo pasaportea.
18 urtetik gorako pentsiodunak Espainiako Gizarte Segurantzan, eta ezintasun fisiko edo psikiko iraunkorra, osoa edo absolutua edota baliaezintasun handia dutenak. Pentsiodun-egiaztagiria, adierazitako egoera batean dagoela.
18 urtetik gorako pentsiodunak gizarte-klase zibilekoak eta militar erretiratuak, eta ezintasun iraunkorra dutenak zerbitzua emateko.
% 65eko edo gehiagoko desgaitasuna duten pertsonak. Beste pertsona batekin joan daitezke, eta hark ere titularraren baldintza ekonomiko berak izango ditu bidaian. Egiaztatu duen autonomia erkidegoko erakundeak edo Espainiako estatu-erakundeak jaulkitako ziurtagiria, desgaitasun-txartela edo egiaztagiria.

Tarjeta Dorada txartela izenduna eta besterenezina da, bezero bakoitzak 6 euro ordaindu behar ditu eta dagokion garraio-txartelarekin batera lagunduta joan behar da.

Asteko egun guztietarako balio du urtebetez, jaulkipen-egunetik hasita. Finantza-erakundeek jaulkitakoek baliteke luzaroagoan balio izatea.

AVE, Larga Distancia, Avant, Media Distancia, Aldiriak eta Feve zerbitzuetako klase eta leku guztietako tarifa orokorreko / oinarrizko tarifaren prezioei aplikatzen zaizkie Tarjeta Dorada txartelaren deskontuak.

Deskontuak

Asteguna
Zerbitzua A A A O O L I
Ave eta Larga Distancia % 40 % 25
Avant % 25 % 40
Media Distancia Convencional % 40
Aldiriak % 40
Feve % 50

Deskontu horri ezingo zaio besterik aplikatu, Familia ugaria izateagatikoa eta baldintzetan berariaz aplika daitekeela diotenak izan ezik.

Saltzeko bideak

Geltokietako leihatiletan, Ceutako salmenta-bulegoan eta bidaia-agentzia fisikoetan erosi ahal izango da Tarjeta Dorada txartela.

Zerbitzu motaren arabera, geltokietako leihatiletan, Ceutako salmenta-bulegoan, renfe.com helbidean, bidaia-agentzia fisikoetan eta birtualetan, telefono bidez, Renfe Ticket, hainbat produktu saltzeko autosalmentako makinetan, Aldirietako eta Feveko autosalmentako makinetan erosi ahal izango dira deskontu horri lotutako garraio-txartelak.

Txartelen aldaketak

  • Indarrean den aldian, kosturik gabe aldatu ahal izango da txartela egun bererako.
  • Bezeroak txartela beste egun baterako aldatu nahiko balu, zenbateko osagarri bat ordaindu beharko luke, aldatutako txartelaren zenbatekoari dagokion % 10, aldaketa-gastu gisa. Media Distancia Convencional zerbitzuko trenetan, gutxienez 1 € ordainduko da txarteleko.

Balio handiagoko txartel batera aldatzen denean, aldea ordaindu beharko du bezeroak.

Aldaketa gutxiago balio duen txartelera egiten denean, aldaketa-gastuak kendu ostean (halakorik balego), % 15 deskontatuko zaio zenbatekoari.

Titularraren txartela aldatuz gero, laguntzailearen txartela ere aldatu beharko da.

Txartelak baliogabetzea

Txartelak baliogabe daitezke, baina txartelaren balioaren % 15 kenduko da.

Titularraren txartela baliogabetzen bada, laguntzailearen txartela ere baliogabetuko da, nahiz eta azken hori bereizita ere baliogabetu ahal izango den.

Trena galtzea

Renfe-ri egotz ezin dakizkiokeen arrazoiengatik AVE eta Larga Distancia trenak galduz gero, eta 30 minutu baino lehen etortzen diren bezeroentzat (trenaren aurreikusitako irteera-ordutik hasita), bidaiaren jatorriko geltokian, lekua dagoen hurrengo trenean joateko aukera eskainiko zaie, Renfe-k irizten dizkion baldintzetan.

Bezeroak tarifa orokorraren / oinarrizko tarifaren arabera kalkulatutako txartelaren prezioaren % 20 ordaindu beharko du, baldin eta jatorrizko txartelaren klase berean edo baxuagoan bidaiatuz gero.

Tarjeta Dorada txartela hondatzea, lapurtzea edo galtzea

Txartelaren kopia emateko, aurreko txartela geltokietako leihatiletan jaulkitako edo erregistratutakoa izan beharko da erreserba bidezko salmenta-sistemarekin, “Renfe&Tú” TSC pertsonalizatuan kargatutakoa izan ezik. Kasu horretan, beste TSC bat erosi beharko da eta Tarjeta Dorada txartela gehitu bere indarraldiarekin. Feven, Tarjeta Dorada txartelak bezeroarentzako kosturik gabe ordezten dira.

Deskontuak lortu ahal izateko, bezeroak txartela aurkeztu beharko du indarrean diren egiaztagiriekin batera, eta bidaia amaitu arte gorde beharko ditu. Era berean, baita titularraren nortasuna egiaztatzen duen dokumentua ere.

Informazio osagarria