Renfe

Buscar en Irene de Renfe

Altaria

Contido da páxina

  • Madrid - Alxeciras
  • Madrid - Murcia - Cartaxena

Clase Preferente

A amplitude, a comodidade, a luminosidade e un coidado deseño son as características máis salientables da área Preferente de Altaria.

Os clientes desta área poderán gozar dos servizos de estacionamento con franquía (agás nos aparcadoiros das estacións de Madrid Atocha), sala club e prensa; todo isto incluído no prezo do billete.

Os trens de Larga Distancia Alvia, Altaria, Diurno, Talgo, Intercity, AV e Trenhotel non dispoñen de restauración na praza.

Os coches son de tipo salón, con corredor central, e cada ringleira conta con tres asentos, dous formando parella e outro independente, cun amplo espazo entre eles e orientados no sentido da marcha do tren, agás os dos extremos, que permanecen fixos.

Cada un dos asentos dispón de mesa auxiliar, conexión para audio/vídeo, papeleira, repousabrazos individuais, repousapés e a posibilidade de reclinar o respaldo e desprazar o asento.

A distancia entre asentos é de 103 cm e a largura de 50 cm.

Dispón de estantes superiores portaobxectos e maleteiros verticais nos extremos do coche.

Clase Turista

Os coches de Turista, de características análogas aos de Preferente en canto a comodidade, luminosidade e deseño, son tipo salón, con corredor central e dúas prazas a cada lado. As prazas van orientadas no sentido da marcha do tren, agás as dos extremos, que permanecen fixas.

Cada un dos asentos dispón de mesa auxiliar, conexión para audio/vídeo, papeleira, repousabrazos, repousapés e a posibilidade de reclinar o respaldo e desprazar o asento. A distancia entre asentos é de 103 cm. e o largo da butaca é de 46 cm. Dispón de estantes superiores portaobxectos e maleteiros verticais nos extremos do coche.

En canto aos servizos a bordo, a área de Turista ten á súa disposición: vídeo, música e cafetaría.

Información adicional