En Ave
Grupos de 10 a 25 persoas. 15% desconto por cada traxecto. Os billetes deben adquirirse polo menos con 24 horas de antelación á data da viaxe. Non admite cambios. Permite a anulación de todos os billetes.
En Larga Distancia
Dirixido a grupos compostos por un mínimo de 10 persoas e un máximo de 25. Esta oferta é válida para prazas sentadas en preferente e turista e prazas deitadas en liteira e cama turista, para calquera percorrido, en todos os trens de ámbito nacional de Larga Distancia, aboando por un mínimo de 300 km por traxecto.
Os descontos son do 10% en viaxe só de ida e do 25 % en viaxe de ida e volta.
Esta tarifa aplícase todos os días agás venres e domingos e nos seguintes períodos de alto tráfico: os meses de xullo e agosto, Semana Santa e Nadal.
Esta oferta non admite cambios nin anulacións parciais, unicamente anulacións pola totalidade dos compoñentes do grupo.
Para grupos a partir de 25 persoas poñemos á súa disposición o noso Departamento de Grupos. Tamén pode contratalo a través de axencias de viaxes.
Chárter Empresas en AVE e Larga Distancia
Viaxes para profesionais, lanzamento de produtos, convencións, presentación de proxectos...
Puntualidade, confort, comodidade, seguridade. Estas son algunhas das nosas razóns. A bordo de trens de última xeración: Alaris, Euromed, Altaria, Trenhotel...
Propoña como quere personalizar o tren coa súa imaxe corporativa, elixa o tipo de restauración e realice a súa presentación a bordo.
Media Distancia Convencional
Grupos de 10 ou máis viaxeiros (ou pagando o equivalente), coa mesma orixe e destino, viaxando no mesmo tren e data.
Descontos de ata o 40% de acordo coas características do grupo e a data de viaxe.
Os nenos considéranse ata 14 anos sen cumprir, e será gratuíto para aqueles integrantes do grupo entre 0 e 4 anos sen cumprir que por si sós non formen grupo (menos de 10).
As peticións de información deberán enviarse como mínimo 10 días laborables antes da data da viaxe a Media Distancia.
En Avant
Grupos de 10 a 25 persoas: 15% desconto. Desconto por cada traxecto. Os billetes deben adquirirse polo menos con 24 horas de antelación á data da viaxe.
Non admite cambios nin anulacións parciais, unicamente anulacións pola totalidade dos compoñentes do grupo.
Para grupos a partir de 25 persoas poñemos á súa disposición o noso Departamento de Grupos. Tamén pode contratalo a través de axencias de viaxes.
En Cercanías
Consulte as tarifas en cada núcleo.
O desconto non é acumulable a ningunha outra oferta, agás aquelas que así o indiquen especificamente nas súas condicións.