Zer da laguntza-zerbitzua?

Adif Acerca desgaitasuna edo mugikortasun urritua duten pertsonei arreta eta laguntza emateko doako zerbitzua da, Adifek (Trenbide Azpiegituren Administratzailea) kudeatua.. Zerbitzu espezializatu bat da, orientatu, informatu eta lagundu zaitzakeena geltokietara sartzeko eta bertatik igarotzeko, bai eta trenetara igo eta jaisteko ere.

Desgaitasuna edo mugikortasun urritua duten pertsonentzako Adif Acerca laguntza-zerbitzua eska dezakezu Renfeko txartelak saltzeko edozein kanaletan Avlo webguneko erosketa-prozesuan eta Laguntza-zerbitzua aplikazioan.

Laguntza-zerbitzuaren modalitateak

Zerbitzua bi modalitatetan ematen da:  

• Zerbitzu etengabea duten geltokietan, trena irten baino 30 minutu lehenagora arte eskatu behar da.
• Aldizkako zerbitzua duten geltokietan, trena irten baino 12 ordu lehenagora arte eskatu behar da.

Renferen webgunean kontsulta daiteke mapa eta xehetasun guztiak. 

Zer zerbitzu eskaintzen ditu?

Desgaitasuna edo mugikortasun urritua duten pertsonentzako laguntza-zerbitzua eskatzean, jakinarazi zein diren zure beharrak, ahalik eta laguntza onena emateko:

• Gurpil-aulkian bazoaz eta eserleku batean bidaiatu nahi baduzu. Zure gurpil-aulkia itxi edo tolestu egin behar da, errazago garraiatzeko.
• Mugikortasunerako beste zailtasunen bat izanez gero, geltokitik eramateko aulkietako bat eska dezakezu eta trenera igotzeko eta bertatik jaisteko laguntza jaso dezakezu.
• Entzuteko desgaitasuna izanez gero, komunikazio hobea lortzeko laguntza teknikoak dituzu.
• Ikusteko desgaitasuna izanez gero, geltokian zehar mugitzen lagun diezazukegu, trenean igotzen eta jaisten eta zure eserlekua aurkitzen lagunduko dizugu.
• Desgaitasun intelektuala edo ulertzeko zailtasunak izanez gero, geltoki barruan mugitzen eta zure eserlekuraino iristeko laguntza jasoko duzu.

Era berean, jakinarazi lagun batekin edo laguntzaile batekin zoazen edo gidari- edo laguntza-txakurrarekin bidaiatzen baduzu.
 

Renfek Irisgarritasunarekin eta pertsonekin duen konpromisoa
 

Adif Acerca-k desgaitasuna edo mugikortasun murriztua duten pertsonei laguntzeko ematen duen zerbitzua. Bestalde, Renfe Operadoraren zerbitzuak zabaltzen joan dira abian jarri zenetik: geltoki eta tren irisgarri gehiago jarri ditugu, laguntza eskatzeko abisua emateko denbora-tartea gutxitu dugu eta geltoki nagusietan etengabeko laguntza-zerbitzuak sartu ditugu, erabiltzaileen eta bidaiarien beharrei erantzuteko.

Hori guztia beste urrats bat da trenbideko irisgarritasuna hobetzeko Renfe-k duen borondate irmoaren barruan; izan ere, garraio-zerbitzu publikoetara iristeko eskubide eta aukera berdintasunaren aldeko apustu garbia da, betiere inplikatutako gizarte-eragileekin: CERMI, ONCEren gizarte-taldea eta Desgaitasunaren sektorea.

Renfeko Zerbitzu Zentroak 

Zerbitzu-zentroetan, Renfek laguntzaile eta laguntza teknikoak jartzen ditu behar bereziak dituzten bidaiarien eskura, bezeroen bidaiaren aurreko aldia, bidaia eta bidaiaren ondorena errazteko. Zentro horiek Alta Velocidad eta Larga Distancia zerbitzuak ematen dituzten geltoki handi eta ertain gehienetan daude. 

BERRI! Bideodei-zerbitzua

Renferen bideo-dei zerbitzu berria entzumen-urritasuna duten pertsonei zuzendutako zerbitzua da.

Arreta zeinu-hizkuntzan bakarrik ematen da, eta txartelak erosi, aldatu eta baliogabetzeko aukera ematen du, baita gure zerbitzuekin zerikusia duen edozein gairi buruzko informazioa jasotzeko ere.

Gogoratu entzumen-desgaitasuna duten pertsonentzako zerbitzu esklusiboa dela.