Trena+Autobusa
 

Zure helmugara eramateko indarrak batu ditugu eta txartel konbinatu bakarra sortu dugu. Horrela, bidaia errazten dizugu. Benidorm, Denia, Roquetas, Marbella, Portugalgo Algarvea edo Aragoiko Pirinioak gertuago daude Trena+Autobusa txartelarekin.

 

       
 

Zein dira Trena+Autobusa txartelaren helmugak?

Avanza, Alsa, Baile, Teisa eta La Regional enpresekin lankidetzan dihardugu helmuga hauetara hurbiltzeko:

  • Barbastro eta Huesca (Bartzelonako El Prat aireportutik, Barcelona Sants geltokian trenetik autobusera aldatuta)
  • Marbella eta Estepona (Madrid-Puerta de Atocha geltokitik, Malagan trenetik autobusera aldatuta)
  • Aragoiko Pirinioak: Barbastro, Jaka, Candanchú, Astún, Biescas, Panticosa eta Formigal (Madrid-Puerta de Atocha geltokitik, Huescan trenetik autobusera aldatuta)
  • Aragoiko Pirinioak: Barbastro, Monzón, Binefar, Graus, Benasque, Sabiñánigo, Jaka, Candanchú eta Astún (Madriletik, Sevillatik eta Malagatik, Zaragozan trenetik autobusera aldatuta)
  • Benidorm (Madrid-Puerta de Atocha geltokitik, Ciudad Realetik, Albacetetik eta Barcelona Sants geltokitik, Alacanten trenetik autobusera aldatuta)
  • Denia-Jávea (Madrid-Puerta de Atocha geltokitik eta Barcelona Sants geltokitik, Valencia-Joaquín Sorolla geltokian trenetik autobusera aldatuta)
  • Vielha-Andorra (Madrid-Puerta de Atocha geltokitik, Lleida-Pirineus geltokian trenetik autobusera aldatuta)
  • Roquetas-Aguadulce (Madrid Chamartín-Clara Campoamor geltokitik, Almerian trenetik autobusera aldatuta)
  • Algarve portugesa: Faro, Albufeira, Portimao eta Lagos (Madrid-Puerta de Atocha geltokitik eta Barcelona Sants geltokitik, Sevillan trenetik autobusera aldatuta)
  • Alacant, L'Altet, Los Arenales eta Santa Pola (Asturiasetik, Kantabriatik, Galiziatik, Kataluniatik eta Madriletik, Alacanten trenetik autobusera aldatuta)
  • Figueres (Madrid-Puerta de Atocha geltokitik eta Barcelona Sants geltokitik, Figueres Vilafant geltokian trenetik autobusera aldatuta)
  • Toro (Madrid-Chamartín-Clara Campoamor geltokitik eta Galiziatik, Zamoran trenetik autobusera aldatuta)

 

Non eros dezaket Trena+Autobusa txartel konbinatua?

Renfe.com webgunean, geltokietako leihatiletan, salmenta bulegoetan, bidai agentzietan eta telefono bidez (912 320 320) eros ditzakezu.

Txartelek aldaketak edo baliogabetzeak onartzen al dituzte?

Aldaketak eta baliogabetzeak egiteko baldintzak trenaren ibilbiderako eskuratutako txartelaren araberakoak izango dira. Gogoan izan edozein aldaketak edo baliogabetzeak txartel osoan eragina izango duela eta lehenengo trena irten baino 10 ordu lehenago arte baino ez dira onartuko.

Zer ekipaje eraman dezaket?

Gehienez 3 eskuko ekipaje eraman ditzakezu, hiruen artean 290 cm baino gehiago ez badute. (luzera+zabalera+altuera) edo 25 kg baino gehiago pisatzen ez badute. Handienak 85x55x35 cm bitarteko tamaina izan dezake gehienez.

Kontuan izan ezin dela bizikletekin edo patineteekin bidaiatzea.
 

Maskotarekin bidaiatu dezaket?

Trena+Autobusa txartel konbinatuarekin ezin da maskotarekin bidaiatu.

Laguntza-zerbitzua eska dezaket?

Bai, 912 140 505 telefonoan eska dezakezu, tren bidaiarako.

 

Bakarrik bidaiatzen duten adinbageentzako zerbitzua eska dezaket?

Trena+Autobusa txartel konbinatuak ez du zerbitzu hau barne hartzen.