2023ko abenduaren 12tik aurrera, eta garraioko segurtasun-arazoak direla-eta, ezin da trenera igo patinete eta monoziklo elektrikorik edo antzeko ibilgailurik. Araudi horretatik kanpo geratzen dira mugikortasun urriko pertsonentzako ibilgailuak, baita bizikleta elektrikoak ere.

Bizikletak

Zure bizikletak doan bidaiatzen du zurekin Cercanías-eko tren guztietan. Honako hauek bakarrik kontuan hartu behar dituzu:

  • Pertsona bakoitzeko gehienez bizikleta batekin bidaiatu ahal izango duzu
  • Bizikleta horretarako jarri diren espazioetan kokatu behar da. Trenean seinaleztatutako gunerik ez badago, jarri sarbide-plataforman, korridoreen edo tolestu ezin diren eserlekuen guneetako espazioa hartu gabe.
  • Jende asko badago trenean eta ezin baduzu bizikletarekin bidaiatu, beste tren batean bidaia edo txartelaren zenbatekoa itzultzea aukera dezakezu.
  • Bizikleta zure ardura da. Ardura zaitez hura igotzeaz, zaintzeaz eta trenetik jaisteaz, kalteak edo galerak ekiditeko.
  • Nahiago baduzu, geltokietan gaitutako aparkalekuetan utz dezakezu bizikleta. Kontsultatu informazio guztia.
     

 

Maskotak

Zure maskotak doan bidaiatzen du zurekin Cercanías-eko tren guztietan. Honako hauek bakarrik kontuan hartu behar dituzu:

  • Etxeko animaliak onartzen dira (txakurrak, katuak eta hegaztiak) pisu mugarik gabe eta uhalarekin lotuta badaude
  • Zurekin doan bidaiatzen dute eta ez dute txartelik behar 
  • Ez dute kaiolan edo kutxan bidaiatu behar
  • Txakurrek muturrekoarekin bidaiatu behar dute
  • Pertsona bakoitzeko gehienez maskota batekin bidaiatu ahal izango duzu

Gida- eta laguntza-txakurrek pisu edo garraio mugarik gabe bidaiatzen dute.

Zure maskota zure familiako kide bat da. Errespetatu arauak, ondoeza, kalteak edo narrioak ekiditeko eta bidai seguru eta eroso batez gozatzeko.