Argiaren Hiriaren magia hain da handia, ezen munduko turismo-helmuga nagusienetariko bat izaten jarraitzen duen. Europako zentro ekonomiko garrantzitsuenetako bat ere da. Museoak, arkitektura, gastronomia eta shoppinga; dena hiri paregabe eta berdingabean.
Zer ikusi eta egin Parisen:
- Champs-Élysées
Europako etorbide dotore eta ederrenetako bat. Marka esklusiboek hemen dauzkate dendak, luxu eta glamourraren ikur direnak. Jakina, Frantziako Tourraren azken zatia ere da, hemen koroatzen da urtero txapelduna. Gabonetan, are erakargarriagoa da etorbideko bi aldeetako zuhaitzen argiztapenarekin.
- Eiffel dorrea
Hiriko ikonoak beti harritzen du. 1889ko Erakusketa Unibertsalerako sortu zen eta ezinbestekoa da hura bisitatzea. Hiriko ikuspegia ikusgarria da bertatik. Gainera, dorreko jatetxea batean janari edo afari erromantiko batez goza dezakezu. Gauez, ikuskizuna bikaina da txinpartekin.
- Pont de l'Alma
Mundu osoan ospetsua Lady Di-ren istripua dela eta. Zubia 1854an eraiki zen Napoleon III.ak aginduta. Lau estatua nabarmentzen dira, horieko bat Zuavo da, eta Senaren ibaiko uholdeak neurtzeko erreferentzia gisa erabiltzen da. Zubitik oso gertu, Askatasunaren Estatuaren sugarraren erreplika dago, eta Diana Printzesa omentzeko toki bilakatu da denboraren poderioz.
- Louvre Museoa
Artearen kontzentrazio handienetako bat. Flandriako eta Italiako margolanak, Velazquezen margolanak eta egiptoko sarkofagoz, eta eskultura greziar, etruriar nahiz erromatarez jositako gelak aurki ditzakezu bertan. Ezin izango dugu dena ikusi, baina ziur asko ez gara Mona Lisa agurtu gabe joango.
- Pont Neuf
Pariseko zubietatik zaharrena eta luzeena da eta harriz eraiki zuten lehena. Germain Pilon eskultore frantziarrak zizelkatutako 385 maskarak ikusteko, modurik onena "Bateaux mouche" batetik ikustea da.
- Odéon
Auzo bohemioa da, bertako kafetegietako terrazetako batean eseri eta oinezkoen joan-etorriez gozatu ahal izango dugu. Fatxada historikoak, ilara luzeak zinema aretoen aurrean... Hori da Odeón auzoko giroa eguneko edozein ordutan. Bizitzaren eta kulturaren benetako kontzentrazioa!
- Pariseko Notre-Dame katedrala
Île dela Cité-ra joateko arrazoi nagusietako bat da, bertan eraiki zen estilo gotikoko katedral hau. Jazoera garrantzitsuak gertatu dira tenplu honetan: Napoleon Bonaparteren koroatzea, Joana Arc-ekoaren beatifikazioa eta Ingalaterrako Enrike VI.aren koroatzea. Zorigaiztoko sute baten ondorioz berreraikitzeko prozesuan dago, baina katedralaren kanpoko edertasuna ikusteko bada ere, merezi du bisita egiteak.
- Montmartre
Montmartre auzoak altxorrak ezkutatzen ditu. Horietako bat "Maite zaitut" ugari dauzkan harresia da. Abbesses metro geltokia abiapuntua da eta irten bezain pronto pauso batzuk ematean aurkituko dugu. 300 hizkuntzatan daude idatzita "Maite zaitut" hitzak, 40 metro karratuko horma batean daude. Frédéric Baron eta Claire Kitode artisten ideia izan zen. Cafe des 2 Moulins-eraino jarraituko dugu; Jean-Pierre Jeuneten filmean, hor egiten du lan Amélie Poulainek. Ez ahaztu mokadutxo bat jatea Sacre Coeur-era joan aurretik Parisko panoramika ikustera, gero margolarien koadroak mirestu ahalko dituzu Tertre plazan. Agian erretrato polit bat egingo digute, oroigarri eraman dezagun. Jatetxe, kafetegi eta denda koloretsuz betetako kalexka-labirinto bat da plazaren inguruko auzoa.