Bilbo erreferentzia bihurtu da turismoaren arloan azken urteotan nazio mailan, guztiok ezagutzen dugun iragan industriala atzean utzita, jakin nahi duzu zergatik? Bada, jarraitu arretaz irakurtzen! Bilbo ezagutuko dugu.
Zer ikusi eta zer egin Bilbon
- Guggenheim museoa: 1997an Guggenheim museoa ireki zenetik, sekulako eraberritzea jasan du hiriak gizarte eta hirigintza arloetan. Museo honek kanpotik arkitektura ikaragarria dauka, baina barnealdeak zure alderik artistikoena esnatuko du, eta bertakoak nahiz turistak erakartzen ditu urte osoan zehar.
- Alde Zaharra: zalantzarik gabe, Bilboko ezinbestekoetako bat. Bilboko auzorik zaharrena da eta giro onena duena, Erdi Arokoa da, eta denda eta taberna tradizionalez betetako kaleetan zehar murgiltzen oro liluratzen du.
- Alde Zaharrean Plaza Berria ere dugu, eta Bilboko taberna eta pintxo-jatetxe onenetako batzuk aurkituko dituzu bertan. Beti esaten den legez, leku bat ezagutzeko bere gastronomia dastatu behar da... Pintxo bat jateko gogorik bai? Guk beti!
- Erriberako merkatua: Europako merkatu estalirik handiena da, 10.000 m2 inguru ditu. Merkatu honetan euskal gastronomia zoragarrian funtsezko diren produktu freskoenak aurkituko dituzu, bai baratzekoak, bai Kantauri itsasokoak. Merkatu hau euskal giroaz eta bere berezitasunez gozatzeko leku ezin hobea da.
- Artxandako begiratokia: Toki bat goitik ikusi gabe bertatik alde egin ezin duten horietakoa al zara? Bilbon egin dezakezun planik onenetakoa da. Alde batetik, funikularrean igoko zarelako, eta bestetik, goi-goitik ikusiko dituzun bista zoragarriengatik. Bilbo mendikate baten artean erabat murgilduta dagoela ikusiko duzu, eguna garbi badago, itsasoa ere ikusi ahal izango duzu.
- Arriaga Antzokia: Antzerki honen fatxada ikusgarriak aho zabalik utziko zaitu, Espainiako politenetakoa baita. Areatza plazan dago, Bilbon ikusi behar den beste ezinbestekoetako bat. Gaur egun antzerki emanaldi gutxi ematen dira bertan, gehienak Euskalduna Jauregian egiten bait dira, baina hala ere bisitatzeak merezi du.
- Bilboko Santiago Katedrala: Hiri handi askotan bezala, katedralak dira nahitaez ikusi beharreko toki interesgarrienetakoak. Hiriko alde zaharrean dago, gotiko estilokoa da eta fatxadak aho zabalik utziko zaitu.
Kafe bat hartu daiteke Bilboko katedralaren alboan? Jakina! Erdialdean dagoenez, taberna ugari ditu inguruan, eta zerbait hartzeko eseri ahalko zara, Bilboko katedral honen handitasuna miresten duzun bitartean.
Zer egin Bilbon
Seguruenik, Bilbo burura datorkizunean, janarian eta bere gastronomia zoragarrian pentsatuko duzu; izan ere, horren ospea irabazi du erabat.
Bilbora joan eta ez baduzu pintxo ibilbiderik egiten, ez zara benetan Bilbon egon. Begetarianoa al zara? Ez kezkatu! Denetariko pintxoak dauzkate eta zapore guztietakoak.
Bilbon, bertako gastronomia dastatzeko, leku batzuk bereziki dira ezagunak, eta honako hauek dira:
- Ledesma kalea
- Plaza Barria
- Somera kalea
- Indautxu
- Santamaria kalea
Horiek dira Bilboko gastronomia zoragarria dastatzeko gune nagusi eta giro onenekoak. Eta zuk, etxean jarraitzen al duzu? Erosi zure txartela eta ez galdu Bilboko xarmak!
Nola iritsi Bilbora trenez
Hirigune historikotik minutu batzuetara dago Bilboko tren geltokia. Beirate koloretsuak dituen geltoki ederra da. Renfeko tren batetik jaitsi eta beirate eder batekin topo egitea baino hoberik ba al dago? Guk erantzungo dizugu: Ez ezer hoberik!
Gogoratu Renferekin bidaiatzeak, bidaia segurua, erosoa eta jasangarria esan nahi duela. Erosi zure txartelak preziorik onenean. Goazen!