Ezagutzen duzu Montpellier? Ezagutu trenez Okzitania eskualdean dagoen Frantzia hegoaldeko hiri hau. Bi ibaik zeharkatzen dute, Lez eta Mossonek, eta itsasotik 11 km-ra dago izaera bakarra duen hiria hau. Historia eta tradizioa estilo ireki eta abangoardistarekin nahasten dira. 

Bere ondareari esker, Hiri eta Herrialde Historiko-Artistikoaren zigilua jaso zuen. Luxua da Erdi Aroko kalexketatik galtzea, hiriaren historia biziaz gozatzen duzun bitartean. Bere hirigunea Europako oinezkoentzako gunerik handienetakoada, beraz, oinez eroso ibili ahal izango duzu. Hala ere, zalantzarik gabe ezin dituzu galdu Christian Lacroix diseinatzaile ospetsuak sortutako diseinuzko tranbia harrigarri eta dibertigarriak.

Arkitekto garaikide nagusiek diseinatutako proiektuekin, Montpellier eredu bakarra da Europan, bere hirigintza abangoardistari dagokionez, Antigone, Port Marianne eta Odysseum auzoek
baiezta dezaketen moduan.

Zer ikusi Montpellierren

Dudarik gabe, ezin dituzu galdu Montpellierreko leku hauek: 

  • Place de la Comedie. Hiriaren bihotza da. Plaza berean dagoen Comedie Operaren eraikinak ematen dio izena. Ikono bat den 1790eko "Hiru graziak" iturri famatua ere hor dago. 
  • Fabre Museoa. Hiriko arte-museo nagusia da. Arkitektura zaharra eta modernoa nahasten dituen eraikina da, eta Errenazimentuko obra europarrak hartzen ditu gaur egun arte. Ia derrigorrezkoa da joatea! 
  • Saint-Pierre katedrala. Erdigunean dago, eta eskualdeko elizarik handiena da. Monasterio bateko kapera apala izatetik gaur egun ezagutzen dugun gotiko estiloko katedrala izatera igaro zen. 
  • Peyrou atea. 1691ko Montpellierreko Garaipenaren arkua antzinako Frantziako monarkien boterearen erakusgarri da. Frantziako Luis XIV.a erregea goraipatzen zuen monumentua da. Goialdetik, Montpellierreko eta bere inguruetako bista harrigarriak ikus daitezke. 
  • Montpellierreko Medikuntza Fakultatea. Bazenekien munduko medikuntza-fakultaterik zaharrena dela? Bai, bai, ongi irakurri duzu. Monumentu historiko gisa katalogatutako Anatomia Museoa du. 
  • San Klementeko akueduktua. 880 metroko luzera du eta Les Arceaux auzoa zeharkatzen du. San Klemente iturritik hirira ura eramateko balio zuen. Akueduktua depositu handi batera iristen zen, eta handik hiriko iturrietara eta garbitoki publikoetara bidaltzen zen ura. 

Bidaiatu Montpellierrera trenez

Montpellierren tankera hiri bat ezagutzen dugunean, denbora poliki-poliki pasatzea gustatzen zaigu segundo bakoitza dastatzeko, baina mugitzeko, onena zerbait azkarra, erosoa eta jasangarria da, Renferen Nazioarteko Abiadura Handiko trenak, esaterako. Ezagutu gure AVE Frantzia trenak, Espainia eta Frantziaren artean di-da batean eramaten zaituen Nazioarteko AVE, auto-ilararik gabe eta ekipajearekin arazorik eduki gabe.

Zein izango da zure hurrengo bisita kulturala? Zuk aukeratu nola bidaiatu nahi duzun, eta guk helmugak eta garraioa jarriko ditugu. Ezagutzen dituzu gure deskontuak? Aprobetxatu eta lortu zuretren-txartela preziorik onenean.
 

Montpellier - Saint Roch geltokia

Montpellier-Saint-Roch tren-geltokia Frantziako tren-geltokia da, Montpellier hirian kokatzen dena, Hérault departamenduan, Okzitaniako eskualdean.