Ez da iritsi nire Tarjeta +Renfe

Jarri harremanetan +Renfe programaren zerbitzu-zentroarekin 919 191 566 telefonora deituz, eta izandako edozein arazo konponduko dute. Halaber, programan izena ematean idatzi zenuen helbide elektronikora bidali dizugun PDF formatuko txartela edota Passbook-a erabil dezakezu. PDF formatuko txartela edo Passbook-a deskargatu nahi baduzu, joan Área Privada menuko "+Renfe" sekziora www.renfe.com helbidean.

Puntos Renfe programaren puntuak iraungitzen dira?

Puntos Renfe programaren puntuak haiek lortu eta 3 urtera iraungiko dira.

Nola atzi dezaket +Renfe programaren eremu pribatura?

Joan www.renfe.com helbidera eta identifika zaitez bezero gisa; horretarako, hasi saioa edo eman izena (eremu pribatuan sartzen zaren lehen aldia bada) Tarjeta +Renfe txartelaren zenbakia edo zeure helbide elektronikoa eta pasahitza idatziz. Hori egin ostean, aukera izango duzu puntuei eta txartelari dagozkien kontsulta guztiak ikusteko "+Renfe" eremuan modu erraz eta erosoan.

Pasahitza ahaztu dut

Pasahitza berreskuratzeko, joan "Zona Privada" eremuko "Mi contraseña" aukerara eta idatzi beharrezko datuak. Pasahitza eskuratzeko "pregunta-recuerdo" galdera gogoratzen ez baduzu, jarri harremanetan +Renfe programako zerbitzu-zentroarekin 919 191 566 telefonora deituz.

Nola alda ditzaket nire datu pertsonalak?

Datuak aldatzeko, joan +Renfe programako "Zona Privada" menuko "Mis datos" aukerara, edo jarri gurekin harremanetan 919 191 566 telefonoaren, masrenfe@renfe.es helbide elektronikoaren edo ohiko postaren bidez: Tarjeta Programa +Renfe Apto. de Correos 295, 28080 Madrid.

Txartel berri bat behar du, nola eskatu behar dut?

Área Privada menuko "+Renfe" programaren "Mi tarjeta +Renfe" aukeran, beste txartel bat eska dezakezu "Solicitar tarjeta física" aukeraren bidez; txartela helbide egokira bidali ahal izateko, gogoan izan datu pertsonal eguneratuak idatzi behar dituzula. Halaber, +Renfe programako zerbitzu-zentroarekin harremanetan jar zaitezke 919 191 566 telefonoaren edo honako helbide elektroniko honen bidez: masrenfe@renfe.es

Nola jakin dezaket nire puntuen eta mugimenduen saldoa?

Área Privada menuko "+Renfe" eremuko "Mis puntos" aukeran, lortu eta erabili dituzun puntuak ikusi ez ezik, puntuak lortzeko eta erabiltzeko eragiketa gehiago izango dituzu erabilgarri.

Are gehiago, +Renfe programako zerbitzu-zentroarekin harremanetan jar zaitezke 919 191 566 telefonoaren edo masrenfe@renfe.es helbide elektronikoaren bidez uneko puntu kopurua jakiteko.

Nola erabil ditzaket Puntos Renfe programako puntuak tren-txartelak lortzeko?

Renfe-k txartelak erosteko onartzen dituen hainbat metodoetako bat dira Puntos Renfe programaren puntuak; horiek horrela, txartelak saltzeko bideetan erabil ditzakezu puntuok; besteak beste, geltokien leihatiletan, "RenfeTicket" aplikazioan, produktu anitzen autosalmentako makinetan, Renfe-ren web-orrian, "Renfe contigo" salerosketa-zerbitzuan (91 232 03 20 telefonoaren bidez) eta baimendutako bidaia-hornitzaile eta -agentzietan.

Besterik gabe, zehaztu puntuekin ordaintzeko aukera txartela ordaintzen duzunean.

Puntuak erabili nahi badituzu txartel bat erosteko, txartelaren prezioaren berdina edo handiagoa izan behar du zeure puntu kopuruak; gogoan izan ez dela ordainketa mistoa onartzen (hau da, euro eta puntuekin aldi berean ordaintzea).

Renfe-ren webgunearen bidez eros ditzakezu txartelak. Txartela ordaintzeko urratsera iritsi arte, betiko moduan egiten da erosketa. Urrats horretan, hautatu goitibeherako zerrendako "Seleccione su forma de pago" aukera eta hautatu "compra con puntos".

Nola erabil ditzaket Puntos Renfe programako puntuak beste zerbitzu batzuetan?

Puntuak erabil nahi badituzu programaren enpresa kolaboratzaileetan, eskaera egin dezakezu www.renfe.com helbidean duzun Área Privada menuko "+Renfe" eremuaren "Mis puntos" aukeraren bidez, edo +Renfe programaren zerbitzu-zentroaren bidez 919 191 566 telefonora deituz; Informazio hori aurki dezakezu enpresa kolaboratzaile bakoitzaren eremu zehatzean.

Nola lor ditzaket Puntos Renfe programaren puntuak tren-txartelak erostean?

Puntuak lortu nahi badituzu tren-txartelak erosteagatik, beharrezkoa da txartelaren zenbakia zehaztea erosketa edozein saltzeko bidean egiten duzunean; besteak beste, geltokietako leihatiletan, "RenfeTicket" aplikazioan, produktu anitzen autosalmentako makinetan, Renfe-ren web-orrian, "Renfe contigo" salerosketa-zerbitzuan (91 232 03 20 telefonoaren bidez) eta baimendutako bidaia-hornitzaile eta -agentzietan. Automatikoki gehituko dira puntuak bidaia egin ostean.

Gogoan izan Tarjeta +Renfe txartelaren jabeak soilik lortuko ditu puntuak egindako bidaiengatik. Beraz, tren berean bidaiatzeko hainbat txartel erosten badituzu, txartel batengatik soilik lortuko dituzu puntuak.
Aurreko prozesuarekin zerikusia duen edozein gertakariri dagokionez, jarri harremanetan +Renfe programaren zerbitzu-zentroarekin 919 191 566 telefonoaren edo honako helbide elektronikoaren bidez: masrenfe@renfe.es
 

Txartela erostean arazoak izan ditut web-orriarekin, nora jo dezaket?

Arazorik baduzu txartelak erosteko Interneten bidez (berdin dio ohiko erosketa edo puntu bidezko erosketa den), jarri harremanetan lineako salmentetarako laguntza-zerbitzuaren langileekin 91 919 05 04 telefonoa erabiliz.

Kontuan ditudan puntuak nahikoak ez badira txartelaren zenbateko osoa ordaintzeko, hura ordain dezaket dirua erabiliz?

Ezin da konbinatu ordainketa-metodorik Renfe-ko txartelak erostean eta txartelen zenbateko osoa ordaindu behar da ordainketa-metodo berarekin.

Tarjeta +Renfe txartelaren zenbakia erabil dezaket Puntos Renfe programaren puntuak lortzeko beste pertsona batzuek egindako bidaiengatik?

Ez +Renfe fidelizazio-txartela pertsonala eta besterenezina da eta, puntuak lortu ahal izateko, bidaiariak izan behar du txartelaren jabea.

Puntos Renfe programaren puntuak eman diezazkioket beste pertsona bati?

Ez, puntuak ez dira transferigarriak, baina puntuak erabil ditzakezu tren-txartelak edo enpresa kolaboratzaileen produktu edo zerbitzuak erosteko beste pertsona batentzat.

Noiz iraungitzen da nire Tarjeta +Renfe?

Lehen mailako Tarjeta +Renfe txartelek (1.000€-ko kontsumoa urteko, gehienez) ez dute iraungitze-datarik. +Renfe Plata, +Renfe Oro eta +Renfe Premium txartelek 12 hileko baliozkotasuna dute eta iraungitze-data txartelean bertan dago idatzita. Epe hori iraungi ostean, zurekin jarriko gara harremanetan dagokizun maila jakinarazteko erositako tren-txartelen kopuruaren arabera.

Nola deskarga dezaket telefonoan Tarjeta +Renfe txartela Passbook formatuan?

+Renfe programan izena eman ostean, Tarjeta +Renfe txartela Passbook formatuan deskargatzeko esteka bat duen mezu elektroniko bat jasoko duzu.

+Renfe programaren "Zona Privada" eremuan izena eman baduzu, aukera izango duzu Tarjeta +Renfe txartela Passbook formatuan deskargatzeko esteka.

American Express Renfe txartela eska dezaket +Renfe fidelizazio-programako kide izan gabe?

Ez, American Express Renfe txartela eskatzeko, programako kide izan behar duzu. Linean eman dezakezu izena "Solicitud de alta" eremuaren bidez.

Jabe bat eta zenbait onuradun badaude, nork lortuko ditu American Express Renfe txartelarekin egindako erosketengatik irabazitako puntuak?

Jabeak lortzen ditu erosketengatik irabazitako puntuak eta ez erlazionatutako txartelak dituzten onuradunek; haiek egindako erosketengatik lortutako puntuak jabearen kontuari esleituko dira.

Fidelizazio-programako kide izan behar dira American Express Renfe txartel gehigarrien jabeak?

Ez da beharrezkoa.

Nola hobe dezaket erosketengatik lortutako maila American Express Renfe txartelarekin?

Hobaridun tren-bidaietan urteroko kontsumoa kontuan hartu gabe, Plata, Oro edo Premium maila lor dezakezu 12 hilabetez American Express Renfe txartelaren jabea (ez onuraduna) bazara, txartelaren urteurrenean kuota berritu baduzu eta 5.000 € edo gehiago gastatu baduzu urtean zehar, honako baremo honen arabera:

  • 5.000 eta 9.999 € arteko gastua: Plata mailarako sarbidea 
  • 10.000 eta 14.999 € arteko gastua: Oro mailarako sarbidea 
  • 15.000 € edo gehiagoko gastuak: Premium mailarako sarbidea

12 hilabete igaro eta American Express Renfe txartela berritzeko kuota ordaindu ostean, Tarjeta +Renfe txartelaren maila berrikusiko dugu. Maila berria esleituko dizugu erositako tren-txartelen kopuruaren eta baldintzetan zehatutakoaren arabera edo American Express Renfe txartelarekin egindako gastuaren arabera. Hoberen doakizun txartel-maila esleituko dizugu mailaren hurrengo berrikuspenera arte.

Maila aldatzeko, kontuan hartzen dituzue American Express Renfe txartelarekin eta tren-txarteletan egindako gastuak?

Ez, maila ebaluatzeko prozesua egiteko, kontuan hartzen dugu hobaridun tren-bidaien urteroko kontsumoa parte-hartzeko baldintza orokorren arabera, edo American Express Renfe txartelarekin egindako gastua.

Noiz gehitzen dira kontuan American Express Renfe txartelarekin egindako ordainketengatik lortutako puntuak?

American Express Renfe txartelarekin egindako ordainketengatik lortutako puntuak txartelaren jabearen kontuan gehituko dira hileroko fakturazioaren amaieran.