Azken eguneratzea: 8/04/2024

1. Zein dira abonamenduak behar bezala erabiltzeko neurriak?

Media Distancia txartelak

• Garraio, Mugikortasun eta Hiri Agendako Ministerioak neurriak ezarri ditu Media Distancia-ko abonamenduak egoki erabiltzeko.
• Abonuak irauten duen bitartean, gutxienez 3 aldiz, bidaiariak gero egiten ez duen bidaia bat formalizatzen badu, edo formalizazioa baimendutako epetik kanpo bertan behera uzten, iruzurrezko erabileratzat joko da. Kasu horretan, abonua baliogabetu egingo da, fidantza konfiskatuko da eta ez zaizu beste abonurik emango inolako jatorri-helmugarako, baliogabetu eta 30 egun igaro arte.
• Bidaien formalizazioa bidaiaren irteera-ordua baino 60 minutu lehenagora arte utz daiteke bertan behera.
• Ibilbide bererako, gehienez ere lau bidaia formaliza daitezke egunean (joanekoak eta/edo itzulerakoak).
• Ez da onartzen norabide bereko bi bidaia formalizatzea programatutako bidaia-denboraren hirukoitza igaro arte. Adibidez, bi geltokiren arteko bidaia-denbora ordubetekoa bada, eta goizeko 8:00etan irtengo den tren bat formalizatu bada, 11: 00etatik aurrera (1 ordu x 3) irteten den beste batean bakarrik formalizatu ahal izango da.
• Gogoan izan beti esleitutako eserlekua okupatzea (txartelean agertzen dena). Egiten ez baduzu, Ikuskatzaileak abonuaren erabilera oker gisatzat jo dezake, zure eserlekua hutsik utzi duzula uste duelako.

Avanterako txartel hobaridunak

• 2024ko martxoaren 1etik hasita, Garraio, Mugikortasuna eta Hiri Agenda Ministerioak Avanterako txartel hobaridunak egoki erabiltzeko neurriak ezarri ditu.
• Abonuak irauten duen bitartean, gutxienez 3 aldiz, bidaiariak gero egiten ez duen bidaia bat formalizatzen badu, edo formalizazioa baimendutako epetik kanpo bertan behera uzten, iruzurrezko erabileratzat joko da. Kasu horretan, ezingo du deskontudun txartelik eskuratu azken arau-haustearen jakinarazpena jaso eta hurrengo 90 egunetan. Baina deskontu gabeko txartel berriak eskuratu ditzake.
• Bidaien formalizazioa bidaiaren irteera-ordua baino 60 minutu lehenagora arte utz daiteke bertan behera.
• Ez da onartzen norabide bereko bi bidaia formalizatzea programatutako bidaia-denboraren hirukoitza igaro arte. Adibidez, bi geltokiren arteko bidaia-denbora ordubetekoa bada, eta goizeko 8:00etan irtengo den tren bat formalizatu bada, 11: 00etatik aurrera (1 ordu x 3) irteten den beste batean bakarrik formalizatu ahal izango da.
• Gogoan izan beti esleitutako eserlekua okupatzea (txartelean agertzen dena). Egiten ez baduzu, Ikuskatzaileak abonuaren erabilera oker gisatzat jo dezake, zure eserlekua hutsik utzi duzula uste duelako.

2. Zein zerbitzutarako balio dute doako abonamenduek?

Doako abonamendu berriek Renfeko Aldiriko, Rodalies eta Media Distanciako zerbitzuetarako soilik balio dute. Titulu integratuetarako (beste garraiobide batzuk barne hartzen dituztenak, hala nola autobusak, metroak edo Renfe-k operatu gabeko beste tren batzuk), kontsultatu baldintzak eskualdeetako eta tokiko partzuergoetan.
 

3. Nola eskuratu dezaket Renfe-ren abonamendua?

Ohiko bidaiarientzako doako abonua lortzeko, aldez aurretik erregistratuta egon behar da renfe.com helbidean edo Renfe-ren eta Renfe Cercanías app-etan.

Ohiko bidaiarientzako doako txartela eskuratu dezakezu Renfe Cercanías aplikazioren bitartez, Cercanías AM-erako izan ezik, geltokietako leihatila edo autosalmenta makinetan eskuratu ahalko dituzu:

1. Deskargatu zure Android Store-n edo Apple store-n Renfe Cercanías aplikazioa.

2. Hautatu zure Cercanías gunea.

3. Zabaldu menua eta aukeratu "Erosi txartelak" aukera.

4. Aukeratu "Erosi" aukera eta aukeratu zure jatorrizko/helmugako geltokia.

5."Tarifa bat aukeratu" zabalgarrian, aukeratu "Ab. Errepikaria".

6. Idatzi erregistratzeko datuak. Aplikazioan erabiltzaile bat sortuta badaukazu, jarraitu erosketa-prozesuarekin.

7. Sortutako QRa "Erosi txartelak" – "Nire txartelak" menuan aurki dezakezun aplikazioaren diru-zorroan gordeko da.

Geltokira iristen zarenean, QRa balidatu behar duzu balioztatzeko puntu hauetan, gune bakoitzaren ezaugarrien arabera:

• Cadiz, Madril, Malaga, Murtzia/Alacant, Donostia, Sevilla, Valentzia eta Zaragozako guneetan, QRak irakurtzeko prestatutako tornuetan, zuzenean sartu ahal izango zara QRarekin.
• Bilboko gunean abonu fisiko bat eskuratu beharko duzu, kosturik gabe, autosalmentako makinetan, aplikazioan sortutako QR kodea edo 7 digituko kodea sartuz.
• Geltokian QR kodeak irakurri eta abonua duten bidariak errazago sartzeko laguntza emango duten langileak ere egongo dira.
• Madrilgo eta Malagako guneek, gainera, ordainketa elektronikoa duten autosalmentako makinak dituzte, eta ISO formatuan jaulkitzen dute abonua, QR kodearekin.
  

Renfe & Tú txartela badaukazu, ohiko erosketa-puntuetara ere jo dezakezu (autosalmentako makinak eta geltokietako leihatilak) eta bertan karga dezakezu abonu berria. Balioztatu beti bidaiak bidaia hasi baino lehen. Doako abonuaren fidantza itzuli arte, ezinbestekoa da zure abonua erabiltzeko erabiltzen duzun QRa eta TSC txartela gordetzea, bai eta edozein tiket edo erosketa-froga ere, beharrezkoa izango baita fidantza itzultzeko eskatzeko edo prozesuan gerta daitekeen edozein gorabehera konpontzeko.  

Gogoratu Cercanías AM guneetarako ezingo duzula txartela aplikazioaren bitartez erosi, eta geltokiko leihatila edo autosalmenta makinetan eskuratu ahalko duzu txartel fisikoa.

Leihatilan eta autosalmenta-makinetan abonua erosteko, zure izen-abizenak (leihatilan saltzean) baliozko identifikazio-agiriaren zenbaki bat (NAN, AIZ, pasaportea edo dokumentu baliokidea) eta zure telefono-zenbakia (batez ere mugikorra) eman beharko dituzu, fidantza itzultzeko prozesuan gerta daitekeen edozein gorabehera konpontzeko zurekin harremanetan jarri ahal izateko.

Media Distancia zerbitzuetarako, jarraitu urrats hauei:

1. Erosi abonamendua ohiko saltokietan: renfe.com webgunea (gomendatua, Rodalies-en eskualdeetan gaitu gabeko aukera), autosalmentako makinak eta geltokiko leihatilak. Abonua erosteko unean, bidaiatuko dituzun bi geltokiak (jatorria/helmuga) aukeratu beharko dituzu.

2. Formalizatu zure bidaiak, hau da, adierazi zein egunetan eta zein trenetan bidaiatu nahi duzun. Kanal hauetan egin dezakezu: Renfe app-a, renfe.com webgunea, autosalmentako makinak eta geltokiko leihatilak (online formalizatzea gomendatzen dizugu, erosoagoa eta azkarragoa da). Renfe app-ean edo renfe.com webgunean formalizatzeko, erregistratuta egon behar zara.

3. Leihatilan eta autosalmenta-makinetan zerbitzu hauetan abonua erosteko, zure izen-abizenak (leihatilan saltzean) baliozko identifikazio-agiriaren zenbaki bat (NAN, AIZ, pasaportea edo dokumentu baliokidea) eta zure telefono-zenbakia (batez ere mugikorra) eman beharko dituzu, fidantza itzultzeko prozesuan gerta daitekeen edozein gorabehera konpontzeko zurekin harremanetan jarri ahal izateko. 

• Castellón-Vinaroz
• Alcolea-Kordoba-Villarrubia
• zabalera metriko
• Kataluniako eskualde-trenak
   

4. Zenbat denboraz da baliozkoa Renferen doako abonamendua?

Cercanías: Abonua pertsona bakarrarentzat, pertsonalizatua eta besterenezina da; nahi adina bidaia egin daitezke abonua jaulki den Guneko edozein jatorri eta helmugaren artean.

Media Distancia: Abonua pertsona bakarrarentzat, pertsonalizatua eta besterenezina da, nahi adina bidaia egiteko, baimendutako trenetan eta erositako ibilbideko bi geltokien artean joateko edo itzultzeko (berdin du). Ez du balio aukeratutako ibilbidearen barruko tarteko geltokietarako.

Bi kasuetan, ohiko bidaiarientzako doako abonuak maiatzaren 1etik abuztuaren 31ra arte balioko du.

5. Hilero berritu behar al dira?

Ez, bai Cercanías-eko abonuek, bai Media Distancia-ko abonuek, 2024ko maiatzaren 1etik (edo geroagoko erosketa-egunetik) abuztuaren 31ra arte bidaiatzeko balio dute.
 

6. Cercanías-eko abonuak balio al du gune guztietarako?

Bai, aukera ematen dizu bidaia mugagabeak egiteko abonua erosi duzun aldirietako nukleoko edozein geltokiren artean.

Palma del Río-Villa del Río, Illescas-Fuenlabrada, Málaga-El Chorro-Caminito del Rey, Murtzia-Cartagena eta Medina del Campo-Valladolid-Palentzia lineetako hurbiltasun-zerbitzuei dagokienez, Cercanías abonuen baldintzak aplikatuko dira 2024an, beraz, fidantza 10 eurokoa izango da.
 

7. Egia da abonuak doakoak direla?

Bai, ohiko bidaiariek doan bidaiatuko dutela bermatzen da. Horretarako, prozedura bat ezarri da, non bidaiariek gero itzuliko den 10 euroko fidantza bat ordaintzen duen. Cercanías gunean bidaiatzen duten jatorriko eta helmugako ibilbidea edozein dela ere. Media Distancia-ko zerbitzuetan, itzuliko den fidantza hori 20 eurokoa da.

Ohiko bidaiarien bidaiak doan izateko, lau hilabeteko epe horretan gutxienez 16 bidaia egindakoan itzuliko da zenbatekoa. Abonuaren indarraldia amaitzen denean itzuliko da dirua. Txartelarekin ordainduz gero, automatikoki itzuliko da, ordaintzeko erabilitako bide beretik. Eskudirutan ordainduz gero, geltokietako leihatiletan itzuliko da.
 

8. Kreditu- edo zordunketa-txartela erabil daiteke ordaintzeko?

Bai. Txartela erabiltzea gomendatzen da abonuaren zenbatekoa arinago itzultzeko.
 

9. Nola itzultzen didate fidantza?

Fidantza banku-txartel bidez ordaindu bazen, automatikoki itzuliko zaizu urtarrilaren 10 eta 26 bitartean banku-txartel berera, betiere, gutxienez 16 bidaia egin badituzu eta zure txartela ez badago iruzurren aurkako neurrien arau-hausteen zerrendan sartuta.

Urtarrila pasa ostean itzulketa jaso ez baduzu, Bezeroaren Arretarako gune batera joan beharko duzu Itzulketa Formularioa betetzera zure datuak adieraziz, zure kasua berrikusi ahal izateko.

Fidantza eskudiruz ordaindu bazenuen, urtarrilaren 15etik aurrera, edozein Bezeroarentzako Arreta eta salmenta puntutan eskatu ahalko duzu. Zure abonamendua NANarekin, IFZ/ AIZekin batera aurkeztu beharko duzu, baita eskura duzun edozein erosketa-txartel edo-egiaztagiri ere.

Doako txartelaren finantza itzultzen zaizun arte gorde ezazu txartela erabili dituzun formatu guztietan, bai fisiko bai digitaletan, bai eta erosketa egiaztagiriak ere beharrezko izan daitezkeelako fidantzaren itzulera eskatzeko edo prozesuan zehar gerta daitekeen edozein ezbehar konpontzeko.

Garrantzitsua, gogoratu

Oraindik ez baduzu eskatu 2023ko txartelen fidantzen itzulera, baliotasun-epea bukatu ondoren urte beteko epea izango duzu hura eskatzeko.

• 2023ko 1. lauhilekorako txartela (urtarriletik apirilera). Fidantzaren itzulera eskatzeko muga-eguna: 2024ko apirilaren 30a.
• 2023ko 2. lauhilekorako txartela (maiatzetik abuztura). Fidantzaren itzulera eskatzeko muga-eguna: 2024ko abuztuaren 31a.
• 2023ko 3. lauhilekorako txartela (irailetik abendura). Fidantzaren itzulera eskatzeko muga-eguna: 2024ko abenduaren 31a.
  
  

10. Behin erabilera-aldia amaituta, TSCa edo abonamendu fisikoa bota al dezaket?

Ez, ezinbestekoa da abonamenduak erabili dituzun formatuetan gordetzea, fidantzaren diru-itzultzerako beharrezkoak izan daitezkeelako.

Gainera, fidantza itzuli ondoren, TSC Renfe&Tú txartela berrerabili dezakezula gogoraraziko dizugu.

11. Cercanías abonua "+Renfe&Tú" Renfe-ren txartelean karga dezaket?

Bai. + Renfe & Tú txartel pertsonalizatua edo ez-pertsonalizatua daukaten bidaiari guztiek autosalmentako makinetan eta geltokiko leihatiletan eskuratu ahal izango dute abonua.
 

12. Abonuarekin bidaiatzeko Renfe-ren app-a deskargatu behar da?

Cercanías AM guneetarako ez da beharrezkoa, txartela ezin baita sarean erosi. Gainerako guneetan, oso gomendagarria da Renfe Cercanías app-a erabiltzea geltokietan ilaran eta itxaroten ez egoteko. Renfe Cercanías app-aren bidez abonua erosten duten Cercanías guneetako bezeroek zuzenean balioztatu ahal izango dute QR irakurgailuen tornuetan edo geltokietako aparteko langileen bidez, irakurgailurik ez dagoen geltokietan. Deskargatu app-a.

Euskarri fisikoko abonu bat ere eskuratu ahal izango dute, doan, autosalmentako makina batean QRa duen mugikorra behin aurkeztuz gero.
 

13. Zer da Renfe Cercanías app-aren segurtasun-kodea?

Erregistroaren barruan, aplikazioko erosketak egiten utziko dituzun segurtasun-kodea eskatuko da; kode hori erabiltzaileak definitzen du, zenbakizkoa da eta 4 digitu ditu.
 

14. Egun berean hainbat bidaia egin daitezke ala joan-etorria bakarrik egin daiteke?

Aldiriko abonamenduetako bidaiak mugagabeak dira, Media Distancian egunean lau, joan-etorriko bi eta itzulerako bi. Avant abonamenduen kasuan, kontsulta itzazu baldintza espezifikoak.
 

15. Fidantza itzultzerakoan, joan-etorriko bidaiak bi bidaia edo bat bezala kontatzen al du?

Joan-etorriko bidaiak 2 bidaia dira.
 

16. Pertsona bakoitzeko abonu bat baino gehiago eros al daiteke, ibilbide desberdinetarako, dagozkien fidantzak ordainduta?

• Cercanías-eko abonua: Bai, fidantzaren zenbatekoa (10€) ordainduko da erositako abonu bakoitzerako.
• Media Distancia-ko abonua: Bai, baldin eta jatorriko edo helmugako geltokiren bat, edo biak, desberdinak bada. Bai, fidantzaren zenbatekoa (20€) ordainduko da erositako abonu bakoitzerako.
• Avant abonuak erdi prezioan: Bai.

17. Abonua erabil daiteke Zabalera metrikoko trenetan bidaiatzeko?

Bai. Renfe Zabalera Metrikoaren zerbitzuetan, geltokietan eskuratzen da abonu berria, leihatilan eta autosalmentako makinen bidez.
 

18. Nola lotzen da maskota bat Media Distancia-ko abonu batekin?

Maskotak dituzten tren-bidaiei buruzko informazio guztia kontsulta dezakezu gure Maskotak orrian.
 

19. Avant trenetan bidaia dezaket abonuarekin?

Avant abonuek % 50eko hobaria dute maiatzaren 1etik abuztuaren 31ra bitartean erosten badira, baldintza espezifiko hauek izango dituzte:

• Plus txartelaren abonua (30-50 bidaia): 90 eguneko balioa izango du erosten den egunetik hasita, eta bidaiak lehen aldiz formalizatzen diren egunetik hasi eta 60 egunetan kontsumitu beharko dira (balio-aldiaren barruan).
• Tarjeta Plus 10 Normala edo Ikaslea: 30 eguneko balioa izango du erosten den egunetik hasita, eta bidaiak lehen aldiz formalizatzen diren egunetik hasi eta 20 egunetan kontsumitu beharko dira (balio-aldiaren barruan).
• Tarjeta Plus 10-45: Gaur egungo balio- eta erabilera-aldiak mantenduko ditu.

Gainera, Ourense eta A Coruña arteko distantzia ertaineko Avant tren-zerbitzuak doakoak izango dira, baita Madril eta Salamanca artean eta Murtzia eta Alacant artean ere.

Halaber, Gaztela eta Leonen dabiltzan Avant zerbitzuen kasuan, Gaztela eta Leongo Juntak txartelaren % 25 gehiago finantzatzen du datozen 4 urteetan, eta, beraz, erabiltzaileek aparteko beherapena izango dute prezioan.

20. Zer esan nahi du formalizatzeak?

Abonua erosi ostean, bidaiaren eguna eta trena zehaztu behar dituzu. Hori da bidaia formalizatzea. Horretarako, atzitu "Nire abonuak" aukera eta hautatu "Balioztatze berria".
 

21. Zein zerbitzu formalizatu daitezke webgune edo app bidez eta zeintzuk ez?

Media Distancia-ko abonuetarako, Renfe-ren app-ean eta renfe.com helbidean formalizatu dezakezu bidaia.

Avant abonuetarako, bidaia renfe.com, geltokietako leihatiletan, telefono bidezko salmentan eta bidaia-agentzietan formalizatu dezakezu.
 

22. Zenbateko aurrerapenarekin deusezta dezaket Media Distancia eta Avant-en formalizazioa, bidegabeko erabileratzat har ez dadin?

Garraio, Mugikortasun eta Hiri Agendako Ministerioak abonamendu errepikariak behar bezala erabiltzeko baldintzak aldatu ditu. Beharrezkoa da formalizatutako bidaiak, trenaren irteera ordua baino 60 minutu aurretik ezeztatu behar dira, Renfe Viajeroseko salmenta bide guztientzat. Muga hori igaro ondoren zure formalizazioa ez baduzu deuseztatu, bidaia gaizki erabilitzat hartuko da. Gutxieneko denborak honako hauek dira: