Gaurtik aurrera salgai daude Arabako aldirietako tren-zerbitzu berrirako txartelak, bai orain arte dauden zirkulazioetarako, prezio merkeagotuekin, bai datorren ostiraletik aurrera, maiatzaren 30etik, martxan hasiko diren berrietarako.
Erabiltzaileek noizbehinkako tituluak erosi eta zerbitzuari buruzko informazio gehiago jaso ahal izango dute, bai geltokietan, bai Renferen webgunean eta erabiltzaileei aurrez aurreko arreta emateko Gasteizko eta Miranda Ebroko bulegoetan. Maiatzaren 30etik aurrera, trazatuaren udalerri guztietan dagoeneko ezarrita dagoen Ares arreta telematikoko sistemaren bidez ere erosi ahal izango dira. Geltokietako atarietan instalatutako makinek aukera ematen dute Renfeko langileekin telematikoki konektatzeko, gaztelaniaz eta euskaraz. Renfeko langileek bideo-dei bidez erantzungo diete eskaerei, eta eskatutako txartelak emango dituzte.
Joan den urtarrilaren 1etik Eusko Jaurlaritzako Mugikortasun Sailak kudeatzen ditu aldiriak, eta Renfek jarduten du. Bizkaiko eta Gipuzkoako zerbitzuei beste bat gehitzen die, Arabako Lautadatik igaroko dena, lehendik dagoen trazatuan, Miranda de Ebron eta Altsasun linea-buruak dituela. Zerbitzuak tarifa berriak eta maiztasun gehiago izango ditu datorren asteko ostiraletik aurrera. Asteko 137 zirkulazioetatik, % 48 berriak izango dira edo gaur egun baino ibilbide luzeagoa izango dute, lehen orduan, eguerdian eta arratsaldean tren berriekin astegunetan, eta zerbitzu berriekin asteburuetan. Gainera, noizbehinkako txartelen prezioek % 30erainoko deskontuak izango dituzte ibilbidearen arabera.
Bestetik, zerbitzuaren erabiltzaile berriek erabateko doakotasunaz gozatu ahal izango dute, Aldirietan eta Distantzia Ertainean ezarritako abonuekin, ekainaren 30era arte; koiunturako neurria da, Gobernu zentralak ezarria, Ukrainako inbasioaren eta 2022ko irailean izandako prezio-igoeraren aurrean, eta indarrean jarraitzen du hainbat luzapenen ondoren. Ordainketa indarrean dagoen bitartean 8 bidaia egitean lortuko da doakotasuna, 20 euroko fidantzarekin. Fidantza epe hori amaitu eta eskatutako gutxieneko bidaia kopurua bete ondoren itzuliko da.
Trenean eserleku bat erreserbatzea beharrezkoa izango da, orain arte bezala, bidaia guztietan, guztiz berriak diren zerbitzuetan izan ezik.
Arabako aldirietako zerbitzu berriak geraldiak egingo ditu tarte horretan geltokiak dituzten bederatzi udalerrietan (Manzanos, Argantzun, Iruña Oka, Dulantzi, Agurain eta Araia).
Arabako Aldirietako tarifei, ordutegiei, bidai-erosketei eta bidaien baldintzei buruzko informazioa Renferen webgunean dagoeneko Renferen webgunean eskuragarri dago.
Zerbitzuaren inguruko gorabeherak jakiteko eta informazioa jasotzeko, bidaiariek hurrengo telefonoa dute eskuragai: 944 879 222.