En trens AVE, AVE Internacional entre España e Francia, Alvia, Euromed e Intercity, as condicións de anulación dependerán do billete (Básico, Elige e Prémium) que adquirises:

• O billete Básico non admite cambios nin anulacións. 
• O billete Elige e Elige Confort permite a anulación; neste caso devolvémosche o 70 % do importe. Podes mellorar a túa viaxe adquirindo, con custo extra, o complemento Reembolso total co que recuperas o 100 % do importe do teu billete, se cancelas ata 7 días antes da saída do tren ou o 95 % nos últimos 6 días naturais. 
• O billete Prémium ten incluído o complemento Reembolso total.

Se estás fóra de España, sen acceso ás canles de Renfe habituais, para solicitar a anulación dos billetes tes que ter en conta que:

• os billetes emitidos por Renfe non poderán ser anulados en puntos de venda doutra rede.
• os billetes obtidos a través da web de renfe poden anularse polo mesmo medio.
• os billetes PDF pagados con tarxeta de crédito ou PayPal poderán dirixirse ao teléfono Renfe Contigo (+34) 912 320 320.

Nos trens Avant, Media Distancia, Cercanías e Rodalies:

• Como condición xeral, deducirase o 15 % do prezo do billete anulado en concepto de gastos de anulación.
• Se é unha tarifa Ida e Volta, para servizos Avant e Media Distancia, poderanse anular cada un dos billetes de maneira individual, cun custo do 40 % do billete anulado. Se se realiza unha anulación simultánea de ambos os dous traxectos, terá un custo do 15 % dos billetes anulados.
• Os billetes para servizos de Cercanías e Rodalies unicamente poderán ser anulados antes de transcorridas dúas horas desde a súa adquisición.