Con motivo das limitacións temporais de velocidade establecidas polo xestor das infraestruturas (Adif) en distintos puntos da rede ferroviaria, algúns servizos poden experimentar atrasos alleos a Renfe. Os billetes adquiridos a partir do 31 de xaneiro non xerarán dereito a indemnización cando o atraso se deba a estas limitacións de velocidade. Desde Renfe lamentamos as molestias que esta situación poida ocasionar e agradecemos a comprensión das persoas afectadas.

O 4 de decembro de 2025 publicouse a Lei de Mobilidade Sostible, cuxa disposición adicional 31.ª insta ao Goberno a implantar un novo réxime de indemnizacións para Renfe, pendente de desenvolvemento regulamentario.

Mentres o devandito desenvolvemento non se produza, resulta aplicable o réxime vixente previsto na Lei do Sector Ferroviario, o Regulamento do Sector Ferroviario e o Regulamento (UE) de dereitos e obrigas dos viaxeiros de ferrocarril.

En consecuencia, Renfe continuará aplicando a súa actual política de indemnizacións.

Cal é o noso compromiso coa puntualidade nos diferentes servizos?

A continuación, poderás ver o tipo de indemnización ao que tes dereito segundo o tempo de atraso na chegada e o tipo de tren.

  • Todos os nosos servizos comerciais (AVE, Avlo, Alvia, Euromed, Intercity e trens de Longa Distancia) están suxeitos ás seguintes indemnizacións:
    • Atraso igual ou superior a 60 minutos: devolución do 50 %
    • Atraso superior a 90 minutos: devolución do 100 %
  • AVE Internacional entre España e Francia: 
    • Percorrido interior español:
      • Atraso igual ou superior a 60 minutos: devolución do 50 %
      • Atraso superior a 90 minutos: devolución do 100 %
    • Percorrido interior francés:
      • Atraso superior a 30 minutos: devolución do 25 %
      • Atraso superior a 120 minutos: devolución do 50 %
      • Atraso superior a 180 minutos: devolución do 75 %
    • Percorrido internacional (entre España e Francia): 
      • Atraso superior a 30 minutos: devolución do 25 %
      • Atraso superior a 120 minutos: devolución do 50 %     

Avant:

  • Atraso superior a 15 minutos: devolución do 50 %
  • Atraso superior a 30 minutos: devolución do 100 %

Media Distancia:

  • Atraso superior a 15 minutos: devolución do 25 %
  • Atraso superior a 30 minutos: devolución do 50 %
  • Atraso superior a 60 minutos: devolución do 100 %

Regional e Regional Express:

  • Atraso superior a 30 minutos: devolución do 25 %
  • Atraso superior a 45 minutos: devolución do 50 %
  • Atraso superior a 60 minutos: devolución do 100 %
     

Avant + Avant:

  • Atraso superior a 30 minutos: devolución do 50 %
  • Atraso superior a 60 minutos: devolución do 100 %

Avant + Media Distancia:

  • Atraso superior a 30 minutos: devolución do 50 %
  • Atraso superior a 60 minutos: devolución do 100 %

Media Distancia + Media Distancia:

  • Atraso superior a 30 minutos: devolución do 50 %
  • Atraso superior a 60 minutos: devolución do 100 %

Outras ligazóns:

  • Atraso superior a 60 minutos: devolución do 50 %
  • Atraso superior a 90 minutos: devolución do 100 %

Cando o atraso se rexistre no último tren de destino e sexa indemnizable, a solicitude de indemnización por atraso sobre os billetes integrados poderase realizar en puntos de venda, atención ao cliente das estacións e no seguinte enlace.

Para incidencias nos trens previos ao destino, pódese solicitar exclusivamente en puntos de venda e atención ao cliente das estacións.
 

Cal é o prazo para solicitar unha indemnización?

Poderás solicitar unha indemnización unha vez que pasen 24 horas desde a chegada do tren.

Contas cun prazo máximo de 3 meses desde a data da viaxe para solicitar a indemnización.

 

Como se reembolsa a indemnización por atraso en Servicios Comerciales?

Se viaxaches nalgún dos nosos trens AVE ou Larga Distancia nacionais e tiveches un atraso na chegada do teu tren, ofrecémosche tres opcións para recibir a túa indemnización:

  • Devolución do importe correspondente na mesma forma de pagamento coa que adquiriches o teu billete. Dispoñible en tódolos servicios.
  • Devolución do importe correspondente máis un 50% adicional nun código de desconto trocable para outro billete de tren do mesmo importe ou superior. Terás un prazo máximo de 6 meses para a compra do novo billete desde a obtención do código de desconto. O novo billete non admite cambios, podes anulalo sen recuperar o código desconto. Opción non dispoñible para servizos AVLO e trens en traxecto internacional. 
  • Se é cliente do noso programa de fidelización Máis Renfe: Devolución do importe correspondente en Puntos Renfe máis un 100% adicional. Terás un prazo de 3 anos para redimir estes puntos. Opción non dispoñible para servizos AVLO e trens en traxecto internacional. 

¿Cómo se reembolsa a indemnización por atraso en Servizos Públicos (Media Distancia e Avant)?

O reembolso realizarase no mesmo modo de pagamento usado para a compra do billete.

Onde podo solicitar unha indemnización?

Se elixes a devolución do importe na mesma forma de pagamento, poderás solicitala en renfe.com (agás pagamento en metálico), en puntos de venda e atención ao cliente das estacións ou na axencia de viaxes emisora dos billetes.

Se elixes a devolución nun código de desconto para a próxima viaxe, solicítaa en renfe.com. Esta opción está dispoñible para billetes adquiridos con tarxeta de crédito ou débito, Bizum, PayPal ou metálico (non aplicable a billetes adquiridos con Puntos Renfe). Opción non dispoñible para servizos AVLO e trens en traxecto internacional.

Neste caso, contas cun máximo de 3 meses desde a data da viaxe para solicitar a indemnización e un máximo de 6 meses para a compra do novo billete desde que obtiveches o código de desconto.

Se elixes a devolución en Puntos Renfe, solicítala en renfe.com. Esta opción está dispoñible para billetes adquiridos con tarxeta de crédito ou débito, Bizum, PayPal ou metálico (non aplicable a billetes adquiridos con Puntos Renfe). Opción non dispoñible para servizos AVLO e trens en traxecto internacional. 

Os Puntos Renfe acreditaranse directamente na túa conta e dispós dun máximo de 3 meses desde a data da viaxe para solicitar a indemnización e un máximo de 3 anos para o consumo dos puntos.

Para indemnizacións por atraso en billetes integrados, cando o atraso se rexistre no último tren de destino e sexa indemnizable, a solicitude de indemnización por atraso sobre os billetes integrados poderase realizar en puntos de venda, atención ao cliente das estacións e no seguinte enlace.

Para incidencias nos trens previos ao destino, pódese solicitar exclusivamente en puntos de venda e atención ao cliente das estacións.

¿Teño dereito a indemnización por causa de forza maior?


De acordo co establecido no artigo 19.10 do Regulamento 2021/782 do Parlamento Europeo e do Consello, do 29 de abril de 2021, sobre os dereitos e as obrigacións dos viaxeiros de ferrocarril, a empresa ferroviaria non está obrigada a indemnizar se pode demostrar que o atraso, a perda do enlace ou a cancelación se debeu directamente a causas de forza maior descritas no devandito artigo.

 

¿Teño dereito a indemnización por limitacións temporais de velocidade?

Con motivo das limitacións temporais de velocidade establecidas por Adif en distintos puntos da rede ferroviaria, algúns servizos poden experimentar atrasos cuxa causa é allea a Renfe.

Os billetes e aboamentos adquiridos a partir do 31 de xaneiro de 2026 non xerarán dereito a indemnización cando o atraso se deba a estas limitacións de velocidade.