Os meus Puntos Renfe caducan?

Con carácter xeral, os Puntos Renfe caducan 3 anos despois da súa data de obtención. Non obstante, mentres sexas membro do nivel Más Renfe Platino, os teus puntos no caducan.

 

Como podo modificar os meus datos persoais?

Podes modificar os teus datos accedendo a "O meu perfil" e "Os meus datos" na Área Privada ou ben contacta connosco para indicarnos os datos que queres modificar no teléfono 919 191 566 ou no correo electrónico masrenfe@renfe.es.

Preciso unha tarxeta nova. Como a solicito?

Xa non se emiten tarxetas físicas, agora todas as nosas tarxetas son dixitais. Poderás descargala en formato PDF/Passbook no apartado “Más Renfe” da túa Área privada en www.renfe.com.
 

Como podo consultar o meu saldo de puntos e movementos?

No apartado “Os meus puntos” de “Más Renfe” da túa Área Privada, poderás consultar os teus puntos e movementos, así como realizar outras operacións de troco e obtención.

Así mesmo, a través de Renfe Contigo, no teléfono exclusivo de Más Renfe 919 191 566 ou enviando unha mensaxe electrónica a masrenfe@renfe.es, informarante do teu saldo puntos actual.

Como podo obter Puntos Renfe para mercar billetes de tren?

Para obter puntos pola compra de billetes de tren, é imprescindible indicar o teu número Más Renfe no momento de realizar a compra en calquera canle (despachos de billetes das estacións, aplicación Renfe, máquinas autovenda multiproduto, páxina web de Renfe, servizo de venda telefónica de billetes “Renfe Contigo” no 91 232 03 20 e distribuidores e axencias de viaxe autorizados). Os teus puntos anotaranse automaticamente unha vez realizada a viaxe.

Lembra que só se obteñen puntos polas viaxes realizadas pola persoa titular do programa Más Renfe. Polo tanto, se compras varios billetes para viaxar no mesmo tren, só obterás puntos por un deles ou indicar o número Más Renfe dos teus acompañantes.​.

Para calquera incidencia relacionada co proceso anterior, podes poñerte en contacto a través do teléfono exclusivo de Más Renfe 919 191 566 ou por correo electrónico a: masrenfe@renfe.es.
 

Como podo trocar os meus Puntos Renfe por billetes de tren?

Os Puntos Renfe son unha forma de pagamento máis das que admite Renfe para a compra de billetes e, polo tanto, pódense empregar en todas as canles de venda de billetes (despachos de billetes das estacións, app Renfe, máquinas autovenda multiproduto, sitio web de Renfe, servizo de venda telefónica de billetes «Renfe contigo» no 91 232 03 20 e distribuidores e axencias de viaxes autorizados).

Só tes que indicar a opción de pagamento con puntos ao realizar o pagamento do billete.

Para mercar un billete con puntos debes ter un saldo igual ou superior ao prezo do billete; non se permite o pago mixto, parte en euros e parte en puntos.

A compra de billetes pódese realizar a través do sitio web de Renfe. A compra realízase de maneira habitual ata chegares ao paso de pagamento do billete, onde se amosa o cadro despregable "Seleccione su forma de pago" e hai que seleccionar "compra con puntos".

Como podo trocar os meus Puntos Renfe por outros servizos?

Cando queiras cambiar os teus puntos nalgunha das diferentes empresas colaboradoras do programa, poderás realizar a petición a través do apartado “Os meus puntos” de “Más Renfe” na túa Área privada de www.renfe.com ou a través do noso teléfono de atención para os membros de Más Renfe no teléfono 919 191 566, dependendo do tipo de servizo que esteas solicitando, xa que hai empresas colaboradoras que xestionan os seus servizos directamente e outros que realizan as súas xestións a través de Renfe Contigo, no teléfono exclusivo de Más Renfe 919 191 566. Poderás encontrar esta información no apartado específico de cada empresa colaboradora.

Ao comprar un billete tiven problemas co sitio web. Onde debo dirixirme?

Para problemas relacionados con calquera tipo de incidencia na compra de billetes por Internet, xa sexa compra normal ou con puntos, debes poñerte en contacto co persoal de asistencia para a venda en liña no teléfono 91 919 05 04.

Se os puntos acumulados na miña conta non cobren o importe total do billete, podo pagar parte do billete con cartos?

Non é posible combinar ningunha forma de pagamento na compra de billetes de Renfe; sempre se deben pagar todas as entradas adquiridas co mesmo medio de pagamento.

Podo utilizar o meu número Más Renfe para obter puntos Renfe polas viaxes que realicen outras persoas?

Non, o número Más Renfe é nominativo e intransferible. Para a obtención de puntos, a persoa que viaxa debe ser a titular.

Podo regalar os meus Puntos Renfe?

Non, os puntos non son transferibles, pero podes trocar os teus puntos por billetes de tren ou por produtos e servizos das empresas asociadas para que os utilice outra persoa.

Cando caduca a miña membresía no programa Más Renfe?

A alta no programa Más Renfe do nivel inicial (ata 1000 € de consumo anual) non ten data de caducidade. Os niveis Más Renfe Plata, Más Renfe Oro e Más Renfe Platino teñen 12 meses de validez e a data pode verse na tarxeta dixital. Transcorrido ese tempo, dirémosche de novo o nivel que che corresponde en función do consumo realizado nos billetes de tren.

Podo solicitar a tarxeta American Express Renfe sen ser membro do programa de fidelización Más Renfe?

Non, para solicitar a tarxeta American Express Renfe tes que pertencer ao programa. Podes solicitar a túa alta en liña desde o apartado "Solicitude de alta".

Quen recibe puntos para as compras realizadas coa tarxeta American Express Renfe no caso de que haxa un titular e varios beneficiarios?

Só o titular principal obtén puntos para gastar en compras, non os beneficiarios con tarxetas asociadas, cuxos puntos para gastar en compras serán asignados á conta do titular.

Os titulares de tarxetas American Express Renfe suplementarias teñen que ser membros do programa de fidelización?

Non é necesario.

Como podo subir de nivel as compras coa tarxeta American Express Renfe?

Se es titular da tarxeta American Express Renfe (non beneficiario), independentemente do consumo anual que realizases en viaxes de tren bonificables, poderás acceder ao nivel Plata, Oro ou Platino durante un período de 12 meses, se no aniversario anual da túa tarxeta renovaches a cota e fixeches un gasto en compras superior ou igual a 5000 € nese ano de acordo co seguinte baremo:

  • Gasto entre 5000 e 9999 €: acceso ao nivel Plata 
  • Gasto entre 10 000 e 14 999 €: acceso ao nivel Oro 
  • Gasto igual ou superior a 15 000 €: acceso ao nivel Platino

Ao pasaren os 12 meses e logo de que aboes a cota de renovación da túa tarxeta American Express Renfe, revisarase o teu nivel dentro do programa Más Renfe. O teu novo nivel asignarase en función do consumo realizado nos billetes de tren consonte o especificado nas nosas condicións ou en función do volume de gasto realizado coa tarxeta American Express Renfe. Asignarase o nivel de tarxeta que sexa máis beneficioso para ti e manterase ata a túa seguinte revisión de nivel.

Para os cambios de nivel, tense en conta o gasto realizado coa tarxeta American Express Renfe xunto co gasto realizado en billetes de tren?

Non, a avaliación de nivel realízase tendo en conta o consumo anual de viaxes en tren bonificables consonte as condicións xerais de participación ou en función do gasto realizado coa tarxeta American Express Renfe.

Cando se anotan na miña conta os puntos correspondentes aos pagamentos realizados coa tarxeta American Express Renfe?

Os puntos correspondentes aos pagamentos realizados coa tarxeta American Express Renfe anotaranse na conta do titular ao peche da súa facturación mensual.

Podo solicitar as tarxetas Renfe Mastercard sen ser membro do programa Más Renfe?

Non, para solicitar as tarxetas Renfe Mastercard tes que pertencer ao programa. Podes solicitar a túa alta en liña desde o apartado "Solicitude de alta".

Cantas tarxetas Renfe Mastercard hai?

Hai tres modalidades, Renfe Mastercard Clásica, Renfe Mastercard Viaja e Renfe Mastercard Descubre, con diferentes características e atributos. Consulta toda a información.

Como consigo o 5 % de desconto sobre o meu billete AVE/Larga Distancia?

Sempre que sexas titular dunha tarxeta Renfe Mastercard Viaja ou Renfe Mastercard Descubre e viaxes con nós, poderás conseguir un 5 % de desconto nos nosos trens AVE, Euromed, Alvia e Intercity (excepto billetes combinados). O desconto aplicarase sobre o prezo do billete, no dos extras e só será acumulable ao de familia numerosa.

Onde debo marcar o desconto do 5 %?

Inicia o proceso habitual da túa compra de billetes, unha vez chegues á páxina de Información do Viaxeiro, desprega a táboa correspondente a «Descontos, servizo de asistencia e códigos promocionais» e selecciona o desconto «Tarxeta Renfe Mastercard». Unha vez seleccionado, habilitarase un campo para que introduzas o número da túa Tarjeta Más Renfe. Se a túa conta Más Renfe ten unha tarxeta Renfe Mastercard Viaja ou Renfe Mastercard Descubre asociada, aplicaráseche o desconto do 5 % e no resumo da viaxe aparecerache «Tarxeta Renfe Mastercard» co novo prezo aplicado.

Quen recibe puntos polas compras realizadas coas tarxetas Renfe Mastercard no caso de que haxa un titular e varios beneficiarios?

Só o titular principal obtén puntos para gastar en compras, non os beneficiarios con tarxetas asociadas, cuxos puntos para gastar en compras serán asignados á conta do titular.

Os titulares de tarxetas Renfe Mastercard suplementarias teñen que ser membros do programa de fidelización?

Non é necesario.

Cando se anotan na miña conta os puntos correspondentes aos pagamentos realizados coas tarxetas Renfe Mastercard?

Os puntos correspondentes aos pagamentos realizados coa tarxeta anotaranse na conta do titular ao peche da súa facturación mensual.