Máis rápido, máis sinxelo, máis innovador.

Paga nos torniquetes directamente coa túa tarxeta bancaria ou co teu móbil con Cronos. ¡Sí, sí, así de fácil! Co novo sistema poderás pagar o teu billete simple coa túa tarxeta de crédito ou débito, sempre que sexan sen contacto (contactless) ou o sistema de pagamento do teu móbil.

Como funciona? Moi sinxelo. Cada vez que aboes un ou varios billetes simples realízase o cargo correspondente á tarifa vixente e ao número de zonas polas que viaxastes, que poderás comprobar no extracto de movementos da túa conta bancaria.

É IMPRESCINDIBLE validar na estación de entrada e DE SAÍDA, en torniquetes ou canceladoras, pois a non validación implicará o cargo do IMPORTE MÁXIMO de todas as zonas do núcleo.

A partir da quinta viaxe aplícase un desconto do 40 % sobre o prezo do billete simple. Para beneficiarse deste desconto, todas as viaxes deben realizarse coa mesma tarxeta. O desconto é independente do número de zonas de cada viaxe; o que se contabiliza é o número total de viaxes realizadas e, a partir da quinta, aplícase automaticamente.

Non é necesario que as viaxes se realicen nun mesmo núcleo, xa que se contabilizan todos os traxectos efectuados en calquera núcleo. É dicir, o desconto é multinúcleo: Unha vez que se alcance a quinta viaxe en calquera núcleo, aplicarase a todos eles.

Os descontos calcúlanse por mes natural. Isto significa que se teñen en conta as viaxes realizadas dentro do mesmo mes e, ao comezar un novo, o contador reiníciase. Por tanto, o desconto non se volverá a aplicarse ata alcanzar de novo a quinta viaxe no novo mes. 

Consulta as condicións

Solicita a túa Tarjeta +Renfe & Tú para poder viaxar. Deberás cargar nela a maior parte dos títulos de transporte ou billetes que utilices. Está chea de vantaxes: aforrarás tempo e comodidade nas túas viaxes e, ao ser unha tarxeta sen contacto, abonda con achegala ao lector do control de acceso para que abran as portas. É reutilizable e recargable e non ten caducidade.

Prazo de emisión da tarxeta ata 2 semanas. Pode ser maior en función do número de solicitudes.

Os billetes individuais son válidos para unha única viaxe. O seu prezo varía en función das zonas que se vaia percorrer:

ZonasPrezos
Zonas 1/2
1,80 €
3 zonas2,05 €
4 zonas2,70 €
5 zonas3,60 €

Podes mercalos nos despachos de billetes das estacións e nas Máquinas autovenda de Cercanías. Lembra que tes un máximo de dúas horas para iniciar a túa viaxe despois de mercar o billete.

Estes billetes non admiten cambios e só se poden cancelar nos despachos de billetes das estacións durante as dúas horas posteriores á súa compra, sempre que non o utilizases.

Os billetes de ida e regreso son válidos para dúas viaxes, unha de ida e outra de regreso.

ZonasPrezos
1/2 zonas
3,60 €
3 zonas4,10 €
4 zonas5,40 €
5 zonas7,20 €

Podes mercalos nos despachos de billetes das estacións e nas Máquinas autovenda de Cercanías. Lembra que tes un máximo de dúas horas para iniciar a túa viaxe despois de mercar o billete. O regreso debe realizarse ao longo do mesmo día.

Os billetes de ida e regreso non admiten cambios e só se poden anular nos despachos de billetes das estacións durante as dúas horas posteriores á súa compra, sempre que non o utilizases.