Falar de A Coruña é falar do mar. De pasar do centro á praia en poucos minutos, de percorrer con deleite o seu paseo marítimo ou contemplar a torre de Hércules, sempre co maxestoso Atlántico aos seus pés.
En solitario, en parella, en familia ou con amigos: descubre que ver na Coruña e déixate namorar por esta xoia. Quererás volver sempre!
Os imprescindibles na Coruña
- Praza María Pita: é todo un emblema da cidade. Nela atópanse o Pazo Municipal (sede do concello) e o monumento a María Pita. Ademais, é un dos sitios de encontro máis coñecidos da cidade e está repleto de terrazas e bares nos que poder gozar da rica gastronomía galega.
- Paseo Marítimo: é o paseo marítimo máis longo de Europa con máis de 13 quilómetros que van desde o Castelo de Santo Antón ata o Portiño e unha das mellores opcións á hora de visitar a cidade. É un paseo agradable co que rodearás a cidade descubrindo algúns dos seus fitos como o porto deportivo, a praia de Santo Amaro, a Torre de Hércules, a praia de Riazor, a de Orzán e do Matadoiro, entre outras.
- A Torre de Hércules: está declarada Patrimonio da Humanidade pola Unesco e non é de estrañar! Este faro romano é o único e o máis antigo en funcionamento do mundo. Unha auténtica marabilla. Paga a pena achegarse a gozar desta torre e das vistas do Atlántico que se teñen desde o seu outeiro.
- Menhires: arredor da Torre de Hércules creouse un gran parque escultórico con menhires obra de Manolo Paz. A través dos ocos a modo de ventá cos que contan estas esculturas, é posible ver auténticas estampas dignas de postal da Torre de Hércules.
- A cidade vella: trátase da zona vella da Coruña. Aquí recomendámosche que te perdas polas súas rúas paseando e gozando do seu ambiente e as súas tendas. E como non! Aproveita e goza dun bo tapeo polas súas rúas Franja, Galera ou Estrela.
- Praias da Coruña: sabías que a provincia da Coruña conta con nada máis e nada menos que 1000 quilómetros de costa? Para non aburrirse! Ademais, algunhas das súas praias son perfectas para os amantes do surf debido á súas grandes ondas. Queres coñecer as mellores praias da Coruña? Contámoscho todo!
Gastronomía en maiúsculas
Se por algo destaca Galicia e en concreto, A Coruña, é pola súa suculenta gastronomía e en especial pola frescura dos seus mariscos. Tamén destacan dentro da gastronomía galega as súas carnes de tenreira que conta tamén coa Indicación Xeográfica Protexida.
Así, algúns dos pratos típicos da Coruña que non podes marchar sen probar son por exemplo o polbo á galega ou polbo á feira, a empanada galega, o lacón con grelos ou os pementos de Padrón.
Como chegar á Coruña?
Con ganas de descubrir este remanso de paz no norte de España? Normal! A Coruña é un auténtico pracer para os sentidos. É o aroma da carne á pedra, as campás soando nas súas rúas empedradas, o vento do Atlántico na cara, o sabor inesquecible do seu pescado ou as vistas desde o monte San Pedro.
Por iso, desde Renfe poñémoscho fácil para que viaxes da forma máis rápida, cómoda e sostible posible. Descubre os nosos trens Larga Distancia con orixe e destino na Coruña e déixate levar con Renfe!