Málaga

Arte e tradición mariñeira todo o ano
 

Entre vales e montañas, o sol ilumina a flor do Mediterráneo. Málaga atópase nun enclave privilexiado que ao longo da súa historia atraeu civilizacións de oriente e occidente.

Non podes perderte

Se comezas a coñecela desde o outeiro de Gibralfaro, regresarás á Málaga musulmá e poderás divisar toda a súa beleza desde o castelo e o alcazaba que a custodian. Uns metros máis abaixo retrocederás aínda máis na historia co teatro romano que as súas costas albergan.

Vivir en Málaga é mergullarse na súa cultura mariñeira, as súas tradicións, as xentes e os seus barrios variopintos. No centro histórico, desde os tellados da catedral , poderás observar as súas prazas e rúas a vista de paxaro.

Queres saber máis?

Pérdete en pasaxes polos que un día estiveron Lorca, Dalí ou Picasso. Aínda que se o que queres é afondar na vida de Picasso, visita a súa casa natal, ou o seu museo no marabilloso palacio renacentista y mudéxar de Buenavista, sen deixar de ver os restos da muralla fenicia que lle servían de cimentación.

A arte tamén se exhibe en murais e graffiti do Soho, barrio onde podes facerte unha autofoto non só con Picasso, senón tamén con Antonio Banderas ou Chiquito de la Calzada durante o tempo que duren pintados nos muros.

Vagando por El Palo ou Pedregalejo, verás os barcos de madeira ou "xávegas", como lles chaman os mariñeiros, mexéndose no mar, ou as típicas casas de pescadores.

Comprácete

Percorrendo a maraña dos seus carreiros, atoparás patios con flores de cores, aprenderás o sistema malagueño para pedir café de forma precisa patentado polo 'Café Central', adozarás o padal cos viños da terra na Antigua Casa de Guardia, comerás un "pitufo" en El Pimpi e incluso verás a pesca do día iluminada por unha vidreira de cores no mercado de Atarazanas.

Será o mar, o sol que a ilumina, a calor da súa xente, a súa historia milenaria multicultural ou as súas tradicións latentes; todo isto fai de Málaga unha cidade para visitar en calquera época do ano.

Plans de tempada
 

• Sen dúbida, a estación na que Málaga embriaga co seu olor é o verán, polo florecemento dos seu xasmíns , cos que se elaboran os ramos popularmente coñecidos como "biznagas", símbolo da cidade.

• Outro aroma característico que inunda as praias é o dos espetos. Hai moitos bares de praia que ofrecen este manxar, ademais dos bocartes e o típico "pescaíto frito". Déixate levar polo cheiro e fai un percorrido por Pedregalejo, La Araña ou La Malagueta.

• Saíndo da praia, se camiñas pola zona portuaria presidida por La Farola, apreciarás a beleza das vilas de estilo modernista, un lugar perfecto para admirar o solpor e visitar o Centro Pompidou.

• Se o corpo che pide baile, na Feria de Málaga, que ten lugar en agosto, poderás bailar ao ritmo de verdiales e malagueñas. Para afondar un pouco máis na "Málaga cantaora", non esquezas ir ao Perchel.

Será no outono, cando comece a esvaecer o cheiro a xasmín, cando chegará o mes dedicado a Picasso. En outubro podes revivir a arte deste pintor e escultor de fama mundial.