Descubrindo Córdoba: que facer e que ver na cidade

Patricia e sultá

 

Se non sabes que facer ou que ver na cidade andaluza de Córdoba, estás no sitio adecuado! Córdoba é unha cidade chea de recunchos e monumentos dignos de visitar. As súas calellas, prazas, festas e gastronomía fan que Córdoba sexa unha das cidades con máis personalidade e máis especiais de España. 

A historia que ten esta cidade permitirache gozar dunha auténtica fusión das culturas romana, árabe e xudía.

Que ver en Córdoba

Na cidade de Córdoba, pases por onde pases, perdas por onde te perdas, sempre atoparás un lugar cheo de maxia. Aquí che deixamos algúns dos lugares que debes visitar de Córdoba:

  • Mesquita-Catedral de Córdoba. É o monumento máis característico da cidade de Córdoba e un dos lugares con máis maxia. Non saberás se admirar as 1300 columnas polas que está composta, os 360 arcos de pedra branca e vermella, a luz que entra polas súas vidreiras ou a superposición de estilos artísticos. E, por suposto, non podes esquecer do «Patio de los Naranjos»! Un lugar cun encanto indescritible.
  • Alcázar de los Reyes Cristianos. Outros dos imprescindibles de Córdoba. É, literalmente, unha fortaleza na que os Reis Católicos pasaron varios anos. Nos seus muros conserva restos de orixes visigodas, romanas e árabes.
  • Medina-Azahara. Atópase a 8 km do centro de Córdoba e está considerado Patrimonio da Humanidade. Trátase dun xacemento arqueolóxico que foi no seu momento a cidade residencial e administrativa do califato. 
  • Torre de la Calahorra. De orixe árabe, tivo unha función defensiva na cidade e atópase nun dos extremos da ponte romana. Cruza a ponte ao atardecer e quedarás abraiado coas vistas do río Guadalquivir e a Mesquita de fondo.  

Cousas que facer en Córdoba

Aínda non estás convencido das marabillas que ofrece a cidade de Córdoba? Pois ben, á parte de ver e visitar lugares dunha beleza inimaxinable, Córdoba tamén ofrece outros plans: 

Forma parte do seu ambiente tan característico. Visita a Plaza de la Corredera, lugar onde moitos cordobeses quedan para tomar algo ou ir xantar. Ademais, a xente de Córdoba é moi afable! Goza do ambiente da cidade tomando algo nun dos seus lugares máis típicos.

Come! Algúns dos pratos máis típicos da cidade de Córdoba son as berenxenas con mel, os enormes «flamenquines», os embutidos… E por suposto un riquísimo «salmorejo» cordobés! A gastronomía en Córdoba é unha auténtica marabilla, vas quedar sen probala?

Visita os patios cordobeses. Os patios cordobeses son lugares cheos de maxia e que contan cunha decoración floral única. Se queres poñer a proba os teus cinco sentidos e gozar dun dos representantes do modo de vida cordobés, non podes deixar de ver os seus patios!

Se a todo isto lle sumas que o clima de Córdoba adoitar ser soleado, que máis se pode pedir? Se buscas unha forma fácil, segura e cómoda de viaxar a Córdoba, lembra que Renfe ten ao teu dispor trens AVE e Larga Distancia. A que esperas?

Como chegar a Córdoba en tren

Córdoba ten todo. Pódese pedir máis? Descubre esta cidade da man de Renfe e déixate levar.

Descubre todas as nosas rutas e atopa a que mellor se adapte a ti!