Os coches das suites e dos cuartos que hoxe compoñen o Tren al-Ándalus pertencen á mesma serie que os que se construíron en Francia a principios do século pasado para os desprazamentos dos membros da monarquía británica entre Calais e a Costa Azul.
Xunto aos coches salón, tamén fabricados por esas mesmas datas, forman un tren único no que os elementos orixinais conviven cos avances técnicos de última xeración, para gozar da máxima comodidade e seguridade.
Todo o tren, tanto cuartos coma suites coma zonas comúns, está conectado interiormente permitindo o libre tránsito dos viaxeiros.
Ampla e elegante suite, que combina o aspecto orixinal deste histórico tren con todas as comodidades propias dos nosos días.
Dispón de cama de matrimonio (1,50 m x 2,00 m), que se transforma durante o día nun cómodo sofá, deixando espazo para a lectura ou para gozar da paisaxe desde a intimidade da suite. Conta con armario roupeiro, maleteiro, caixa forte, minibar e climatización regulable, ademais de amplas ventás e baño propio, espazoso e cómodo, con ducha, secador de pelo e variado set de artigos de benvida.
Coqueto cuarto con revestimento de madeira, que crea un ambiente cálido e acolledor.
Dispón de dúas camas individuais (0,80 m x 1,85 m), que se transforman durante o día en cómodas cadeiras de brazos, deixando espazo para a lectura ou para gozar da paisaxe desde a intimidade da suite. Conta con armario roupeiro, maleteiro, caixa forte, minibar e climatización regulable, ademais de amplas ventás e baño propio, espazoso e cómodo, con ducha, secador de pelo e variado set de artigos de benvida.
Os catro coches salón do Tren al-Ándalus son auténticas xoias ferroviarias, construídas entre os anos 1928 e 1930 e remodeladas para ofrecerche a maior comodidade e seguridade.
Nestas zonas comúns sérvense diariamente os almorzos e o xantar ou cea elaborados polo noso chef. O coche bar permanece aberto desde primeira hora da mañá ata a madrugada. Son o mellor escenario para tomar unha copa relaxante ou escoitar música no coche do piano.