Aloxamento nun cuarto Gran Clase:

• Copa e aperitivo de benvida
• Neceser con produtos de aseo e zapatillas
• Auga mineral sen custo.
• Todos os almorzos.
• Todas as ceas e xantares, a bordo do tren ou en restaurantes de primeira categoría (incluído viño, auga, refrescos e café).
• Actividades a bordo: música e actuacións en directo, festas no coche pub, baile e moito máis
• Entradas a museos, monumentos e espectáculos
• Excursións e visitas programadas
• Cea – festa de gala de fin de viaxe.

Aloxamento en Suite Deluxe:

Todo o incluído nun cuarto Gran Clase e ademais:

• Todas as bebidas non alcohólicas da suite de balde
• Servizo da tripulación para facer e desfacer as maletas e ordenar a roupa.
• Apertura e peche da cama en modo cama-noite ou sofá-día, previa solicitude do cliente.

A viaxe tamén inclúe un autobús de luxo, que acompaña o tren durante todo o percorrido, para facilitar os desprazamentos nalgunhas visitas e excursións. Cada día, terás ao teu dispor os principais periódicos e revistas do mercado. O noso guía multilingüe converterase nun compañeiro inseparable durante toda a viaxe, xunto co resto do equipo (xefe de expedición, guía, camareiros, cociñeiros e persoal técnico).

As estacións de parada contan con servizo de seguridade.

Queremos que goces da túa viaxe desde antes de comezar. Por iso, como cortesía, ofrecemos gratuitamente os desprazamentos en trens regulares de Renfe, un ata o punto de inicio do itinerario turístico e outro de volta desde o punto final da viaxe turística.

Ademais, poderás facer uso das Salas Club das estacións, tanto na viaxe de achegamento de ida coma na de volta.

Outros servizos dispoñibles no tren a conta do cliente son: lavandaría e servizo de bar.