Viaxar no Expreso de La Robla é viaxar nun tren turístico moderno, que naceu en 2009 a imaxe dos trens de época, con todas as comodidades actuais a un prezo alcanzable.

Un tren con tres coches salón onde se fai vida durante o día nos traxectos que percorre, coche bar, coche restaurante e salón. Cada mañá sérvense os almorzos buffet neles e algunha que outra cea ou xantar, aínda que normalmente, para aproveitar as visitas, cómese e céase con gastronomía típica nas poboacións que se visitan (inclúen auga, viños, refrescos e café).

As visitas sempre son guiadas e inclúe todas as entradas e visitas. Un autocar sempre acompaña ao tren para achegar ao grupo ás visitas e aos restaurantes do percorrido.

O tren dispón tamén de 4 coches cama. Cada compartimento dispón de dúas liteiras, armario roupeiro, luz de lectura, climatización, megafonía, teléfono, etc. nun ambiente moderno e xuvenil. Cada compartimento ten o seu propio baño con ducha de hidromasaxe, lavabo, inodoro e secador de pelo. A corrente é a 220 v.

Durante o día, cando esteamos realizando as nosas visitas, recomendamos roupa e zapatos cómodos. Para facilitar o descanso, unha vez culminada a xornada, o tren permanece parado na estación durante a noite, permitindo ao cliente moverse libremente.

Toda a tripulación do Expreso de La Robla está ao teu dispor as vinte e catro horas do día, capacitados para ofrecer atención personalizada en varios idiomas. O equipo está dirixido por un xefe de expedición, que levará as rendas deste cruceiro ferroviario, garantindo un servizo de máxima calidade dentro e fóra do tren.