Béziers é unha pequena localidade da rexión de Occitania, situada entre o mar Mediterráneo e as montañas do Haut Languedoc. De clima suave e cun gran patrimonio cultural, é un destino turístico por excelencia.  

Béziers merece una visita en tren! Pasear polas súas rúas é viaxar no tempo: desde o seu pasado romano ou o seu legado medieval, ata a arquitectura de estilo Haussmann propia do século XIX.  

Lugares imprescindibles en Béziers

Non sabes por onde empezar? Descubre con Renfe que ver en Béziers: 

• Fonte do Titán. O conxunto está realizado en mármore de Carrara e bronce; trátase dunha obra escultórica de 17 metros de altura que representa ao Titán Atlas, da mitoloxía grega, sostendo o mundo. Unha fonte única cargada de simbolismo. 
• Pont Vieux. A Pont Vieux ou Ponte Vella é todo un símbolo de Béziers que cruza o río Orb. De estilo románico, leva construída desde 1134, aínda que a súa base remóntase á época roma… case nada! 
• Teatro Municipal. O Teatro Municipal de Béziers está considerado como un dos mellor conservados de Francia. A súa fachada decorada con esculturas é todo un exemplo de teatro «bombonnière» á italiana. 
• Catedral de Saint-Nazaire. Unha impoñente catedral que preside a cidade desde o alto. Sen dúbida é un edificio cargado de historia. Orixinariamente, foi un antigo templo romano, que deu lugar a unha igrexa románica ata a catedral de estilo gótico meridional que hoxe vemos. Desde a chaira, xunto co Pont Vieux e o río, forman unha das estampas máis icónicas da cidade; non quedes sen a túa foto! 
• Concello. O lugar que ocupa o Concello foi o espazo de reunión pública desde tempos dos romanos. O actual edificio foi construído en 1729 e é famoso polo seu campanario, que marca as horas. 
• Canal du Midi. Construído no século XVII baixo o reinado de Luís XIV, está catalogado como Patrimonio Mundial da Humanidade pola Unesco. Serve para unir o Atlántico co Mediterráneo e evitar así o paso polo estreito de Xibraltar. A súa emblemática «escaleira acuática», as esclusas de Fonseranes, permiten salvar un desnivel de ata 21 metros. Anímate a dar un paseo en barco! 

Estación de Béziers

A estación de Béziers atópase a uns 15 minutos andando do centro da cidade.