Deveces por construír novas lembranzas e fabulosas experiencias por Europa? Faino do xeito máis sostible: en tren.

Os nosos pases internacionais son un xeito divertido e único de percorrer Europa. As distintas modalidades axústanse ao que necesitas. Son flexibles e permítenche decidir os días que queres dedicar á túa viaxe e os países que queres visitar.

Que é o Pase Interrail?

Interrail é un pase persoal e intransferible, que pode ser adquirido e utilizado por persoas residentes na maioría dos países europeos. Permíteche descubrir máis de 30.000 destinos en 33 países europeos, viaxando en tren, en primeira ou segunda clase, ou en barco (entre Italia e Grecia).
 

Non existe límite de idade para viaxar cun pase Interrail. Ademais do pase de adultos, pódense adquirir os seguintes:

  • Mozos: para mozos menores de 28 anos. 
  • Senior: para adultos a partir de 60 anos.
  • Neno: destinado a nenos de entre 4 e 11 anos. Este pase é gratuíto para menores que viaxen acompañados por adultos (limitados a dous pases neno por adulto).

Só debes ter en conta que necesitarás reservar calquera viaxe que queiras realizar nun tren de Alta Velocidad ou nun tren nocturno por Europa, xa que non podes viaxar nestes trens sen reserva. Tamén cómpre reservar as rutas populares ou as datas e horarios de alta demanda, como horas punta ou o verán.

Podes facer reservas para case todos os trens europeos ata 2 meses antes da data da viaxe (3 meses para determinados servizos) a través de www.interrail.eu. Tranquilo, o Pase Interrail non inclúe gastos de reserva.

A que esperas? Planifica xa a túa aventura Interrail!
 

Quen pode adquirir o Pase Interrail?


As persoas residentes en Europa ou con cidadanía europea poden adquirir o billete de Interrail. Os billetes son intransferibles.

Se non procedes destes países tes que reservar o Pase Eurail. 

Cantos días de viaxe inclúe o meu Pase Interrail?


Hai dúas modalidades:

  • Pase dun país: 
    • 3, 4, 5, 6 ou 8 días de viaxe a elixir en 1 mes
  • Pase Global:
    • 4, 5 ou 7 días de viaxe a elixir en 1 mes
    • 10 ou 15 días de viaxe a elixir en 2 meses
    • 15 ou 22 días de viaxe seguidos
    • 1, 2 ou 3 meses a partir de calquera día da semana

 

Cobre o Pase Interrail aos nenos?

 

  • Os nenos de 0 a 4 anos viaxan gratis e non necesitan o seu propio billete Interrail.
  • Ata 2 nenos de 0 a 11 anos poden acompañar gratuitamente a un adulto. O resto da rapazada necesita o Pase Neno de Interrail.
  • A rapazada de 0 a 11 anos que viaxe soa necesita o Pase Neno de Interrail.
  • A rapazada maior de 12 anos necesita o Pase Xove de Interrail.
     

Con canto tempo de antelación podo comprar o meu Pase Interrail?


Podes comprar o teu Pase Interrail a partir de 11 meses antes do inicio da túa viaxe.
 

Como funciona o Interrail Pase Móbil?


O Interrail Pase Móbil é a nova opción sen papel para viaxar por Europa en tren; despois da compra, tes 11 meses para empezar a usalo! 

Só tes que engadilo á aplicación Rail Planner o día da túa saída, activalo e engadir a túa primeira viaxe antes de subir ao primeiro tren.  

Se queres viaxar con teu billete impreso, terás que elixir unha data de inicio (o día de inicio de validez do teu billete) ao confirmar a compra. A única maneira de cambiar esta data despois de comprar o teu billete é cambiándoo. 
 

Podo utilizar o meu Pase Interrail para viaxar no meu país de residencia?

 

  • Pase dun país: non podes utilizar o Pase dun País para viaxar no país onde tes o teu lugar de residencia.
  • Pase Global: o Pase Global ofréceche 2 viaxes para o país no que resides. Unha destas viaxes é para saír do teu país de residencia e o outro é para regresar ao teu país de residencia.
     

Necesito reservar cando viaxo cun Pase Interrail?


Necesitas reservar para calquera viaxe que queiras facer nun tren de alta velocidade ou nun tren nocturno en Europa. Non podes viaxar nestes trens sen reserva. Tamén cómpre reservar as rutas populares ou as datas e horarios de alta demanda, como horas punta ou o verán.

Podes facer reservas para case todos os trens europeos ata 2 meses antes da data da viaxe (3 meses para determinados servizos) a través de www.interrail.eu.

O Pase Interrail non inclúe gastos de reserva.
 

Que debo ter en conta á hora de comprar e viaxar cun Pase Interrail?


Ao comprar o Pase Interrail debes facilitar a seguinte información:

  • Nome e apelidos
  • Data de nacemento
  • País de residencia
  • Número do documento de identidade válido
  • A data de saída (= inicio do período de validez do pase)

Deberás amosar o documento de identidade que introduciches no Pase Interrail cando revisen o teu billete no tren.

Podo cambiar ou cancelar o Pase Interrail?

 

  • Pódese cambiar de maneira gratuíta antes do primeiro día de validez.
  • A cancelación antes e durante o primeiro día de validez estará suxeita a unha recarga do 15 %.
  • O cambio ou cancelación despois do primeiro día de validez non é posible. 

 

Para completar a túa viaxe, diversas compañías marítimas e outras empresas ofrecen descontos e condicións especiais aos portadores dun Pase Interrail. Consulta toda a información sobre descontos, horarios, países e reservas en: