Capital da rexión Ródano-Alpes, grazas ao seu dinamismo económico é a terceira cidade de Francia. Bañada polo Ródano e o Saona.

Cunha gran vida cultural, tamén é coñecida pola súa gastronomía e os seus viños, que se poden degustar en innumerables restaurantes e tabernas situadas nos seus típicos corredores (traboules), peiraos, estreitas rúas ou grandes prazas.

Descubre todos os tesouros que o patrimonio de Lión agocha. Podes facelo cunha visita guiada, das moitas que organiza a súa Oficina de Turismo, ou libremente e ao teu ritmo. Sexa cal sexa a forma que elixas, Lión non te decepcionará.

Que ver en Lión

Recomendámosche estes lugares imprescindibles na túa vista en tren a Lión: 

• Basílica Notre-Dame de Fourvière.
  Convertida nun dos símbolos de Lión e incluída como patrimonio da Unesco, a Basílica menor fundada en 1872 de estilo neogótico e bizantino é un dos destinos clave da túa visita a Lión. Non esquezas gozar das súas vidreiras, a cripta de San José e as vistas que ofrece o outeiro de Fourvière. 
• Teatro e Odeón romano de Lión.
  Ou tamén coñecido como o Teatro e Odeón de Lugdunum son dous dos vestixios romanos máis importantes de Lión. A construción do Teatro remontase á época do emperador Augusto (ano 15 a. C.) aproveitando a pendente do outeiro de Fourvière e o Odeon (pequeno teatro de música) cuxa construción data a finais do século I. As súas funcións como teatros duraron pouco debido a que o lugar se utilizou como canteira na Idade Media. Xa no século XX empezáronse os traballos de reconstrución de ambos os dous edificios.  
• Catedral de Lión. 
  Construída entre 1180-1480 cunha mestura de dous estilos arquitectónicos:  románico (o coro e altar maior da catedral) e gótico (a fachada)
  .
  A catedral conta cun reloxo astronómico do século XIV no que se indica a posición da Terra, a Lúa, o Sol e as constelacións. O reloxo ten un modelo xeocéntrico, é dicir, construíuse pensado na teoría sobre a cal se ditamina que é o sol quen xira arredor da Terra. 
• Ópera Nouvel. 
  A Ópera Nouvel ou Ópera de Lión foi construída en 1831 baixo o nome de «Grand Théâtre» por Antoine-Marie Chenavard e Jean-Marie Pollet e restruturada entre 1989-1993 por Jean Nouvel. Actualmente, alberga a Ópera Nacional de Lión onde se representan óperas, ballets e concertos. 
• Institut Lumière. 
  O Instituto Lumière é unha institución académica creada en 1982 por Bernard e Maurice Chardère Trarieux-Light (neto de Louis Lumière) como homenaxe a Louis e Auguste Lumière. O Instituto consta dun museo e un centro de proxección e edición. 
  
  Está situado no corazón de Monplaisir onde os irmáns Lumière deseñaron o seu cinematógrafo, un dispositivo que permite tomar planos, proxectar e revelar imaxes, producindo a súa primeira película:  A sortie des ouvriers des usines Lumière à Lyon Monplaisir (A saída da fábrica Lumière en Lión). 

Viaxa a Lyon en tren

Verdade que xa tes ganas de subir ao tren e viaxar a Lión? Agora podes facelo cos nosos trens AVE Francia, os trens de Alta Velocidade Internacional entre España e Francia. Non esquezas que o tren é a maneira máis cómoda, rápida e sostible de viaxar! Ademais, benefíciate dos nosos descontos e obtén o mellor prezo.

Gustáronche as nosas propostas? Pois espera que aínda hai máis! Descubre outros plans diferentes sobre que facer en Francia con Renfe.
 

• Tren Barcelona - Lión
• Tren Lión - Barcelona

Estación de Lyon Part Dieu

A estación de tren Lyon Part Dieu está situada no barrio de La Part-Dieu, na cidade de Lión, na rexión Rhône-Alpes Auvergne.​​​​​