Proxecto Haramain Highspeed Railway (HHR). Haramain podería traducirse como “as dúas mesquitas sagradas”, en referencia a Masjid al Haram (a mesquita sagrada), da Meca, e Masjid al Nabawi (a mesquita do Profeta), de Medina, xa que a liña une ambas as cidades, destino das peregrinacións do islam.

Al Shoula é o consorcio hispano-saudita (con 12 empresas españolas e 2 sauditas) que resultou adxudicatario da fase 2 (construción e explotación) do proxecto Haramain. Renfe é o máximo accionista, cunha participación do 26,9 %. A nosa filial saudita, denominada Renfe KSA, conta con 443 traballadores (400 sauditas, 3 indios, 2 paquistanís, 2 hispano-árabes e 36 expatriados españois), un terzo do persoal son mulleres e a idade media dos traballadores é de 28 anos.

En outubro de 2011 Al Shoula resultou adxudicatario. A primeira viaxe realizouse en outubro de 2018, en maio de 2019 chegouse a mil viaxes e en febreiro de 2020, ao primeiro millón de viaxeiros. Como curiosidade, e dadas as características especiais do destino, os trens están dotados de sopradores de area, pintura especial antiabrasión e equipos de aire acondicionado para soportar as altas temperaturas da ruta, que poden alcanzar os 55 graos Celsius.