A través do noso código ético, comprometémonos activa e responsablemente coa conservación do medio, respectando as esixencias legais, seguindo as recomendacións e procedementos establecidos para reducir o impacto ambiental das nosas actividades e contribuíndo a mellorar os obxectivos de sustentabilidade asumidos polo Grupo.

• Observar o máis estrito cumprimento da lexislación ambiental que sexa de aplicación e seguir os procedementos internos e recomendacións para mellorar o comportamento ambiental do
• Grupo, colaborando cos organismos e autoridades encargadas da súa supervisión.
• Previr os efectos da nosa actividade e servizo sobre o medio ambiente, colaborando para alcanzar un desenvolvemento sustentable do Grupo.
• Asegurar unha eficaz protección do medio ambiente tendo en conta a mellor tecnoloxía dispoñible e economicamente viable, así como a natureza dos nosos aspectos ambientais.
• Desenvolver, coa participación de todo o persoal, directrices e metas ambientais encamiñadas á protección do contorno.
• Valorar os riscos ambientais que poidan ter as nosas actividades e procesos, establecendo en que medida poden supoñer un dano para a reputación do Grupo ou un incumprimento grave da lexislación medioambiental, normas internas e procedementos ao respecto.
• Mellorar o contorno de traballo para reducir ao máximo o impacto sobre o medio ambiente, axudando o conxunto da organización a mellorar o seu impacto sobre o contorno natural, ofrecendo ideas para a optimización e, en calquera caso, cumprindo escrupulosamente os sistemas de protección ambiental dos que se dispón.
• Reducir o emprego de materiais ou produtos tóxicos, contaminantes ou perigosos para, se é posible, substituílos por outros menos agresivos co medio natural.
  Conservar os recursos enerxéticos e naturais, evitando gastalos inutilmente e empregando só os necesarios para desenvolver o traballo.
• Minimizar no posible a xeración de residuos e de augas residuais mediante o emprego de sistemas de redución, reutilización e reciclaxe.

Ademais de ser un provedor fundamental de sustentabilidade no conxunto do sector, a nosa política ambiental céntrase en reducir e incluso eliminar os efectos ambientais ligados aos nosos servizos. Para iso, baseámonos en tres eixes fundamentais:

• A adecuación ambiental. A nosa actividade cumpre a lexislación ambiental e os compromisos ambientais adquiridos de forma voluntaria.
• A difusión e posta en valor das vantaxes ambientais do ferrocarril como modo de transporte.
• A xestión dos aspectos ambientais existentes na relación entre infraestrutura e operación.
  

Decálogo ambiental

• Cumprir a normativa ambiental e os compromisos voluntarios adquiridos.
• Esixirlles ás súas filiais, aos seus contratistas e ás súas provedoras o mesmo grao de cumprimento.
• Establecer sistemas de vixilancia ambiental.
• Establecer programas de mellora continua da eficiencia enerxética.
• Utilizar de forma eficiente o resto dos recursos.
• Minimizar os residuos e a contaminación, mediante a redución do ruído e das emisións atmosféricas, incluídas as relativas ao Protocolo de Kioto.
• Desenvolver obxectivos e programas periódicos de actuación ambiental baseados na mellora continua.
• Desenvolver sistemas de xestión ambiental e sistemas integrados.
• Sensibilizar, formar e motivar ambientalmente os seus empregados.
• Fomentar a mobilidade sustentable e o diálogo cos grupos de interese.