Renfe Alquiler dispón de material rodante en venda. Se non estás interesado en adquirir material ferroviario, cóntanos as túas necesidades e consúltanos sobre o material que temos en venda en cada momento.
Alugamos as nosas locomotoras e incluímos o seu mantemento integral. O mantemento integral comprende o preventivo, o correctivo, a limpeza e outros servizos adicionais (manobras en instalacións de mantemento, servizo de asistencia técnica 24 h/7 días etc).
Asumimos importantes compromisos de dispoñibilidade e fiabilidade sobre o noso material que varían en función do tipo de vehículo arrendado.
Ofrecémoslles aos nosos clientes a posibilidade de escoller a base de mantemento do Grupo Renfe que mellor se adapte ás súas necesidades dentro das válidas para ese tipo de material.
Solicitamos que os nosos clientes conten cun seguro de responsabilidade civil, un seguro de danos e que outorguen un aval cuxo importe depende da duración do contrato e do número de vehículos alugados.
Renfe Alquiler aluga o material mantido, o seu uso e operación correspóndelles aos nosos clientes.
A renda mensual componse de:
Tratando de adaptarnos á demanda dos nosos clientes, os nosos contratos de arrendamento baséanse na flexibilidade no que respecta á súa duración. Prevese unha duración mínima dun mes.
Información continua
Existe un fluxo de comunicación constante cos nosos clientes para a mellora continua dos nosos servizos e intercambio de información sobre incidencias, avarías, accidentes, quilómetros percorridos e outras circunstancias que lles afecten aos vehículos.