Que é o Servizo Asistencia?

Adif Acerca é un servizo gratuíto de atención e asistencia a persoas con discapacidade ou mobilidade reducida, xestionado por Adif (Administrador de Infraestruturas Ferroviarias). Trátase dun servizo especializado que pode orientarte, informarte e asistirte no acceso e tránsito polas estacións, así como na subida e baixada dos trens.

Podes solicitar o servizo de asistencia Adif Acerca para persoas con discapacidade ou mobilidade reducida para as túas viaxes en calquera canle de venda de billetes de Renfe, na web de Avlo durante o proceso de compra e na aplicación Servizo de Asistencia.

Modalidades do servizo de asistencia

O servizo préstase baixo dúas modalidades:  

• Estacións con servizo permanente con solicitude ata 30 minutos antes da saída do tren.
• Estacións con servizo puntual con solicitude ata 12 horas antes da saída do tren.

Pódese consultar o mapa na web de Renfe e todos os detalles. 

Que servizos ofrece?

Cando solicites o servizo de asistencia para persoas con discapacidade ou mobilidade reducida, informa sobre cales son as túas necesidades, así prestaráseche a mellor asistencia posible:

• Se vas coa cadeira de rodas e queres viaxar nun asento. A túa cadeira de rodas debe poderse pechar ou encartar para facilitar o seu transporte.
• Se tes outras dificultades de mobilidade, podes solicitar unha cadeira de rodas para ser trasladado pola estación e recibir asistencia para subir e baixar do tren.
• Se tes unha discapacidade auditiva, dispós de apoios técnicos para unha mellor comunicación.
• Se tes unha discapacidade visual, terás acompañamento no teu desprazamento pola estación e asistencia para subir e baixar do tren e atopar o teu asento.
• Se tes unha discapacidade intelectual ou dificultades de comprensión, recibirás orientación e acompañamento pola estación ata o teu asento no tren.

Ademais, comunica se vas cun acompañante ou unha persoa de apoio, ou se viaxas cun can guía ou de asistencia.
 

O compromiso de Renfe coa Accesibilidade e as persoas
 

O servizo de asistencia a persoas con discapacidade ou mobilidade reducida prestado por Adif Acerca. Pola súa banda, Renfe Operadora foi ampliando as súas prestacións desde a súa posta en marcha, cun maior número de estacións e trens accesibles, reducindo tempos de aviso de solicitude de asistencia ou incorporando servizos de asistencia permanente nas principais estacións dando resposta ás necesidades dos seus usuarios e viaxeiros.

Todo isto supón un paso máis dentro da firme vontade de Renfe por mellorar a accesibilidade no ferrocarril, unha aposta decidida pola igualdade de dereitos e oportunidades no acceso aos servizos públicos de transporte, sempre desde o acordo necesario cos axentes sociais implicados: CERMI, Grupo Social ONCE e o sector da discapacidade.

Centros de Servizos de Renfe 

Nos seus centros de servizos, Renfe pon á disposición dos viaxeiros con necesidades especiais, uns apoios humanos e técnicos que facilitan a previaxe, viaxe e postviaxe dos seus clientes. Estes Centros están na maioría das grandes e medianas estacións de Alta Velocidade e Longa Distancia. 

Liña 900 de Renfe

O teléfono gratuíto 900 400 555 é un servizo asociado á compra de billetes e solicitude do servizo de asistencia destinado ás persoas con discapacidade visual.

Permite a compra, cambio e anulación de billetes, así como a solicitude de asistencia no momento da compra.

Para acceder a este servizo, exclusivo para persoas con discapacidade visual, débese cubrir o seguinte formulario.