Viaxes en grupo de 10 a 25 persoas

As viaxes en grupo, a partir dun mínimo de 10 persoas e ata un máximo de 25, tamén teñen desconto! 

Os descontos varían segundo o tipo de tren no que queiras viaxar:

Descontos en trens Ave e Larga Distancia:

  • Goza dun desconto do 8 % sobre o prezo que pagarías como grupo se mercarades os billetes individualmente.
  • Con este desconto non se poden mercar complementos extra e non se permiten cambios nin anulacións parciais.
  • Os nenos menores de 4 anos que non ocupen asento poderán viaxar gratis, ata un máximo de 4 por cada grupo de 25 persoas.

Cambios e anulacións

Estes billetes non admiten cambios e só se poden anular se a anulación se efectúa para todos eles e cunha dedución do 15 %; no caso de anular con menos de 48 horas, o custo da anulación ascenderá ao 75 %.

Canles de venda

Poderanse mercar nos despachos de billetes das estacións que dispoñan de venda electrónica, axencias de viaxes presenciais e venda telefónica.

 

Descontos en trens Avant, Media Distancia e Cercanías

Para viaxes en grupo de entre 10 e 25 persoas, goza dos seguintes descontos:

  • En trens Avant: 15%
  • En trens de Media Distancia: 20%. Os menores de 4 anos poden viaxar gratis e, se teñen entre 4 e 13 anos, viaxan cun 40 % de desconto
  • En Cercanías e Feve:
    • Ida: 30%.
    • Ida e regreso: 40%.
    • Os menores de 12 anos viaxan cun desconto do 50 %.

Cambios e anulacións

Estes billetes non admiten cambios e só poden anularse se se efectúa en todos eles e cunha dedución do 15 %.

Canles de venda

Os billetes para trens Avant e Media Distancia poderanse mercar nos despachos de billetes das estacións que dispoñan de venda electrónica, axencias de viaxes presenciais e venda telefónica.

Para trens Cercanías e Feve, nas estacións que dispoñan de despachos de billetes ou máquinas autovenda.

Para grupos escolares que queiran viaxar en Cercanías ou Feve, podes poñerte en contacto cos diversos teléfonos e correos electrónicos de cada núcleo.

Lembra que os grupos pertencentes a centros de ensino, asociacións e organizacións culturais poden beneficiarse de condicións especiais para viaxar en Media Distancia, con descontos do 40 % e ata o 50 % no caso de menores de idade.