Mercar o teu billete para viaxar en Renfe non pode ser máis sinxelo. Tes ao teu alcance varias canles de venda e métodos de pagamento para que escollas a que se axusta a ti en cada momento.
Lembra que só comprando en www.renfe.com e na aplicación Renfe accederás a todos os descontos e non terás gastos de xestión.
Se compras en renfe.com, poderás acceder a todas as ofertas sen gastos de xestión. Podes pagar os teus billetes con tarxeta de débito/crédito (Mastercard, Visa e American Express), PayPal, Bizum, Renfecitos (puntos Renfe), Google Pay e Apple Pay.
Fai a túa compra a través da aplicación Renfe de forma rápida e sinxela e sen gastos de xestión. Descarga a aplicación para Iphone, Android e Huawei, dáte de alta en renfe.com e accede a todas as súas funcionalidades: compra e xestiona as túas viaxes, consulta horarios, a puntualidade dos trens ou os teus Renfecitos (puntos Renfe) do programa Más Renfe.
Atención personalizada as 24 horas, todos os días da semana. Compra os teus billetes de Renfe a través do teléfono 912 320 320 e elixe onde recibilos: no teu móbil intelixente, na casa, na oficina, na túa casa da praia, na aldea... E como pagalos: trocando os teus Renfecitos (puntos Renfe), tarxeta de crédito ou débito, ou en metálico, se chos enviamos por correo postal.
Nas estacións con servizo Renfe, diríxete ao noso persoal de despacho de billetes, tanto para a compra e xestión de billetes como para consulta e atención ao cliente.
E se prefires comprar ou xestionar os teus billetes pola túa conta, podes usar as máquinas autovenda distribuídas pola estación. O pagamento, se procede, deberá realizarse coa tarxeta de crédito/débito.
Achéguese á súa axencia de confianza para realizar as súas compras e xestións de viaxes en tren.
Comunicado do 12 de maio de 2023: Renfe modificará os seus contratos existentes e futuros con axencias de viaxes e plataformas de venda de billetes de terceiros. Consulta toda a información.
Os billetes para viaxar en trens Ave e Larga Distancia son nominativos. Non esquezas levar contigo un documento acreditativo de identidade vixente con fotografía (DNI, permiso de conducir, tarxeta de residencia ou pasaporte). Poden realizarse controis de identidade durante o proceso de
facturación ou a bordo dos trens.
De forma excepcional, podes pagar a túa viaxe, tipo de asento ou prolongación do percorrido a bordo dos trens que o permitan.