Lembra que en trens AVE, Larga Distancia e Avant, os menores de 14 anos deben viaxar acompañados dun adulto ou utilizando o Servizo de menores que viaxan sós nos trens que dispoñan desta opción.
Os máis peques da casa tamén viaxan, aínda que non poidas acompañalos.
Para esas ocasións, ofrecémosche o servizo de menores sen acompañante, que permite que os nenos de entre 6 e 13 anos (ambos inclusive) poidan viaxar sós sen a compañía dun adulto e baixo a supervisión do persoal a bordo.
Podes solicitar este servizo ao adquirir o billete nos despachos de billetes das estacións, venda telefónica, oficinas de venda e axencias de viaxe presenciais, cunha antelación mínima de 48 horas antes da saída do tren.
Ten en conta que este servizo se presta cos billetes Prémium e Elige Confort na maioría dos trens Ave e Larga Distancia, cun límite de 4 menores por tren e sempre que a chegada ao destino non sexa posterior ás 22:00 horas.
O día da viaxe, debedes presentarvos na estación cunha antelación mínima de 45 minutos, xa que a nai, o pai ou o/a representante legal deben cubrir un formulario necesario para prestar o servizo con todas as garantías.
Os menores que viaxen sós non poderán adquirir produtos a bordo sen autorización expresa. Se queres un menú infantil ou outro dos que que ofrece Renfe, podes solicitalo no momento da compra do billete.