Información importante

A partir do 12 de decembro, o servizo Atendo pasa a ser propiedade de Adif (Administrador de Infraestruturas Ferroviarias), que xestionará este servizo gratuíto de atención e asistencia a persoas con discapacidade ou mobilidade reducida. Trátase dun servizo especializado que pode orientarte, informarte e axudarche a acceder e transitar polas estacións, así como a subir e baixar dos trens.

Podes solicitar o servizo Atendo para as túas viaxes en calquera canle de venda de billetes de Renfe e na aplicación Atendo.

Que servizos ofrece?

Ao solicitar o servizo Atendo, infórmanos sobre cales son as túas necesidades, así poderemos prestarche a mellor asistencia posible:

• Se vas coa túa cadeira de rodas e queres viaxar nun asento, avísanos para que o teñamos en conta. A túa cadeira de rodas debe poderse pechar ou encartar para facilitar o seu transporte.
• Se tes outras dificultades de mobilidade, podes solicitar unha das nosas cadeiras de rodas para ser trasladado pola estación e recibir asistencia para subir e baixar do tren.
• Se tes unha discapacidade auditiva, podemos ofrecerche axudas técnicas para unha mellor comunicación.
• Se tes unha discapacidade visual, podemos acompañarte no teu desprazamento pola estación e prestarche asistencia para subir e baixar do tren e atopar o teu asento.
• Se tes unha discapacidade intelectual ou dificultades de comprensión, podemos orientarte e acompañarte pola estación ata o teu asento no tren.

Ademais, se vas cun acompañante ou persoa de apoio, ou viaxas cun can guía ou de asistencia, avísanos para que o teñamos en conta.
 

O compromiso de Renfe coa accesibilidade
 

O servizo Atendo foi ampliando as súas prestacións desde a súa posta en marcha, cun maior número de estacións e trens accesibles, reducindo tempos de aviso de solicitude de asistencia ou incorporando servizos de asistencia permanente nas principais estacións.

Todo isto supón un paso máis dentro da firme vontade de Renfe por mellorar a accesibilidade no ferrocarril, unha aposta decidida pola igualdade de dereitos e oportunidades no acceso aos servizos públicos de transporte, sempre desde o acordo necesario cos axentes sociais implicados, CERMI E FUNDACIÓN ONCE.
 

Línea 900

O teléfono gratuíto 900 400 555 é un servizo asociado á compra de billetes e solicitude do servizo Atendo para persoas con discapacidade visual.

Permite a compra, cambio e anulación de billetes, así como a solicitude de asistencia Atendo no momento da compra.