Se viaxas nos nosos trens AVE (agás AVE Internacional entre España e Francia) ou Euromed cun billete Premium poderás gozar de restauración no teu asento. Unha oferta de menús cinco estrelas que volta con novidades grazas ao asesoramento do chef Ramón Freixa.
A restauración na praza está incluída no custo do teu billete Prémium, como moitos outros servizos extra e a mellor política de cambios e anulacións. No billete, verás desagregado o importe do prezo do transporte e o da restauración co seu IVE correspondente; así ofrecémosche toda a información sobre o que inclúe o teu billete de forma clara e con total transparencia.
Ademais, agora, se viaxas en Elige Confort, poderás comprar o teu Menú Prémium a bordo dos trens AVE e Euromed. Por tan só 25 euros o xantar ou a cea, e 22 euros o almorzo, aperitivo ou merenda, poderás gozar desta delicia deseñada por Ramón Freixa, o noso chef asesor con 2 estrelas Michelín e 3 soles Repsol.
Con Prémium, fas da túa viaxe en tren unha experiencia redonda. Anímate a probalo!
A oferta de restauración, saudable, variada e sustentable, conta co asesoramento do chef Ramón Freixa, premiado con 2 Estrelas Michelín e 3 Soles Repsol no seu local de Madrid.
Poderás gozar dela no almorzo, o aperitivo, o xantar, a merenda ou a cea, en función do traxecto e do tramo horario no que viaxes. Nos traxectos curtos, ofrecémosche un pequeno refrixerio de cortesía, que consiste nunha bebida e un petisco.
Os xantares comidas e ceas compóñense de entrante, prato principal e sobremesa. O almorzo consiste nun prato principal e sobremesa, acompañado de bolaría. No caso do aperitivo e a merenda, poderás gozar de dúas pezas salgadas (sándwichs, pequenos bocadillos ou similar) e unha peza doce. Todos os menús sérvense acompañados de bebidas frías e quentes e, en función da hora á que circule o tren, de licor. Tamén levan incluídos todos os complementos adecuados á comida de que se trate: pan, marmelada, manteiga, aceite, vinagre, etc.
Se precisas dun menú especial adaptado á túa dieta, non dubides en solicitalo no momento de comprares o teu billete e con polo menos 12 horas de antelación con respecto á saída do teu tren. Contamos con menú infantil, vexetariano estrito, vexetariano ovolácteo, sen glute, sen lactosa, kosher, halal, baixo en sal, sen carne e baixo en azucre.
Xa sabes que os nosos novos billetes á carta para viaxar en trens AVE, AVE Internacional entre España e Francia, e Larga Distancia adáptanse a ti e ao que necesitas en cada viaxe.
Por iso, se non queres gozar de restauración na praza, podes optar por adquirir un billete Elige Confort, co que viaxarás igualmente nun asento XL e dispón dun extra opcional cun custo de menú Box na comodidade do teu asento. Lembra que todos os nosos trens AVE e Larga Distancia contan con cafetaría e/ou servizo de bar móbil. Nos nosos trens, ti escolles.
Se necesitas factura do teu billete Prémium, poderás solicitala polos medios habituais.