TRENEA CON AVLO

«La terreta», que así é como se coñece popularmente a Valencia, é unha cidade diversa que mestura tradición e vangarda no corazón do Mediterráneo e que che ofrece unha infinidade de plans.

Pérdete no seu conxunto histórico, a «Ciutat Vella», e goza dos principais exemplos do gótico valenciano como a Catedral e a súa torre do Miguelete ou o Pazo da Generalitat. Empápate de cultura, arte e gastronomía na zona de Ruzafa e o Ensanche onde se atopan as tendas de moda. De feito, non é de estrañar que Valencia fose elixida como a capital mundial do deseño 2022.

Calquera momento é bo para visitar a cidade, aínda que sen dúbida durante as famosas Fallas, catalogadas de Interese Turístico Internacional, e celebradas en marzo, a cidade énchese de vida e cor. Apunta a data!

Por suposto, non che pode faltar unha boa paella valenciana (a auténtica), aínda que Valencia non é só o seu famoso arroz, tamén poderás gozar dos mellores restaurantes de autor ou ir de tapas por El Cabanyal, un antigo barrio pesqueiro cheo de encanto.

Viaxa en tren a Valencia: é a opción máis rápida, cómoda e sostible. A cidade ofrece plans para todos, sen importar se viaxas só, coa familia, coa cativada ou cos amigos. E sempre ao mellor prezo. En Avlo, poñémoscho fácil.

 

A ESTACIÓN DE VALENCIA JOAQUÍN SOROLLA

A céntrica estación de Valencia Joaquín Sorolla está aberta das 5:45 h ata as 24:00 h e conta con múltiples servizos:

  • Venda de billetes
  • Zona comercial
  • Alugueiro de coches
  • Parada de taxis
  • Conexións con metro e autobús
  • Adaptada a persoas con mobilidade reducida
  • Aparcadoiro de vehículos 

✅ Desde o noso buscador tes comodamente na mesma consulta toda a oferta de horarios, tarifas e prezos dos billetes Avlo, Ave e trens dispoñibles para o teu destino.

  • A famosa Cidade das Artes e das Ciencias, situada nas inmediacións do río Turia, é un dos complexos de divulgación científica e cultural máis grandes de Europa que ofrece aos visitantes unha experiencia única.
  • A lenda di que a Catedral de Valencia alberga o Santo Grial, o cáliz empregado por Xesucristo na Última Cea.
  • A cidade conta coa súa propia Ruta da seda que amosa a importancia deste material ao longo da historia valenciana e como se reflicte na súa cultura e tradición. 
  • A Igrexa de San Nicolás de Bari e San Pedro Mártir é coñecida como a «Capela Sixtina Valenciana» polos seus marabillosos frescos barrocos.
  • Non podes saír sen facer o «esmorzaret», entre o almorzo e o xantar, no Mercado Central, un fermoso edificio modernista que che ofrecerá os mellores produtos gastronómicos da zona.