TRENEA CON AVLO

Villena é unha cidade alacantina chea de historia que non podes perder. Mostra desta riqueza histórica son algúns dos seus xacementos arqueolóxicos como a Cueva del Cochino ou o Cabezo Redondo, onde se atopa un antigo poboado da Idade de Bronce con máis de 3500 anos de antigüidade… case nada!

Outra xoia de Villena é o Castelo da Atalaya, unha fortaleza chea de historia e lendas construída durante o Imperio Almohade no século XII e utilizada como refuxio da poboación musulmá.

Tampouco podes perder o conxunto de edificios relixiosos que ofrece a cidade, como a Igrexa Arcedianal de Santiago ou a Igrexa de Santa María, así como os
diferentes edificios de estilo modernista de finais do século XIX e principios do XX.

Outra forma de coñecer Villena e a súa natureza é a través das súas vías ferratas, como a do Castelo de Salvatierra ou a de Serra da Vila. Adrenalina en estado puro!

Viaxa en tren a Villena: é a opción máis rápida, cómoda e sostible. A cidade ofrece plans para todos, sen importar se viaxas só, coa familia, coa cativada ou cos amigos. E sempre ao mellor prezo. En Avlo, poñémoscho fácil.

 

A ESTACIÓN DE VILLENA ALTA VELOCIDAD

A estación de Villena Alta Velocidad está aberta das 5:50 h ata as 23:40 h (agás os sábados, das 6:50 h ata as 21:00 h, e domingos, das 6:50 h ata as 23:40 h) e dispón de múltiples servizos:

  • Venda de billetes
  • Máquinas de venda automática
  • Parada de taxis
  • Conexións con autobús
  • Adaptada a persoas con mobilidade reducida
  • Aparcadoiro de vehículos 

 

✅ Desde o noso buscador tes comodamente na mesma consulta toda a oferta de horarios, tarifas e prezos dos billetes Avlo, Ave e trens dispoñibles para o teu destino.

  • Non te podes perder o maxestoso Teatro Chapí, que leva o nome do compositor Ruperto de Chapí, nacido en Villena entre cuxas obras figuran zarzuelas como «La Revoltosa», «La Bruja» ou óperas como «Margarita la Tornera».
  • Coñece os magníficos reloxos de sol de Villena, un exemplo máis da riqueza histórica e cultural da cidade.
  • O Tesouro de Villena. Descubre o Tesouro de Villena, un dos achados de ouro máis importantes de toda Europa e que data nada máis e nada menos que da Idade de Bronce.
  • No século XIV, o famoso Don Juan Manuel, autor de «El Conde Lucanor», era Príncipe de Villena.