Que che ofrece a Tarjeta Plus 10 Estudiantes?

  • Compra este abono cun 50 % de desconto para viaxar a metade de prezo do 1 de xaneiro ao 31 de decembro de 2025.
  • 10 viaxes de ida ou volta, indistintamente.
  • Sempre no mesmo traxecto, entre dúas estacións que debes escoller no momento da compra do abono.
  • É nominativo e intransferible.
  • Validez: tes 30 días desde a data de compra para realizar todas as túas viaxes e, dentro deses, 20 días para o seu uso desde a primeira formalización. 
  • Podes mercar a Tarjeta Plus 10 Estudiantes co 50 % de desconto nos despachos de billetes das estacións ou axencias de viaxes.
  • Non se admite o pagamento con Renfecitos (puntos Renfe). Si permite a obtención de Renfecitos (puntos Renfe) e beneficiarte das vantaxes do programa de fidelización.
  • Sobre o prezo só se poden aplicar os descontos de familia numerosa.

Non esquezas que… Unha vez adquirido o teu abono e antes de viaxar, cómpre que reserves e obteñas o teu billete para o día e o tren que che interesa, o que se coñece na xerga ferroviaria como «formalizar». Podes facelo nos despachos de billetes das estacións, máquinas autovenda, venda telefónica (912 320 320), axencias de viaxes ou a través da aplicación de Renfe.

Todos os abonos de Avant poden anularse sen custo sempre que non realizases ningunha operación con eles. Se xa fixeches algunha, pero aínda non viaxaches, poderás cancelalo con gastos (15 % do seu prezo).

Se durante o período de validez do abono, en polo menos 3 ocasións, formalizas unha viaxe que despois non realizas ou cancelas a formalización fóra do prazo permitido, considerarase uso fraudulento.

Nese caso perderás o dereito a obter un novo abono con desconto durante 90 días desde a notificación da última infracción. Si poderás adquirir unha nova Tarjeta Plus 10 Estudiantes sen desconto, para que poidas seguir viaxando durante ese período. Pódela comprar nos despachos de billetes das estacións ou en axencias de viaxe.