Zer da Galizia Rail Pass abonua?
Pasatu opor ezin hobeak Galizian Galicia Rail Pass abonamenduarekin.
25 euroren truke (10 euro 14 urtetik beherakoentzat), mugarik gabe bidaia dezakezu trenez Galizian zehar hiru egunez jarraian. Egin nahi dituzun bidaia guztiak Galiziako Larga Distancia, Avant, Media Distancia eta Zabalera metrikoan, eta ezagutu bertako aberastasun guztia modu jasangarrienean bidaiatuz.
Ahaztu autoaz. Ibili Galizian trenez eta gozatu bertako jendeaz, gastronomiaz eta paisaiez Galicia Rail Pass-ekin. Aukera ezin hobea da zure kabuz ihesaldi bat antolatzeko.
2024ko abenduaren 31ra arte balio du.
Nork lor dezake Galicia Rail Pass?
Abonamendu hau eskura dezakete:
- Santiagora heldu eta "Compostela" lortzen duten pertsona guztiek, edo
- Galiziara 20 € edo gehiago ordaindutako txartel batekin Larga Distancia-ko trenean iristen diren pertsonek, edo
- Galiziako Tren Turistikoetan bidaiatzeko txartela duten pertsonek
Dokumentu horiek (txartelak edo Compostela) abonamendua eskatu baino gehienez ere 30 egun lehenago erosi behar dira.
Zer eskaintzen dizu Galicia Rail Pass-ek?
- Tren-bidaia mugagabeak hiru egunez jarraian Galizian zehar.
- Galicia Rail Pass-ekin Larga Distancia trenetan, eskualdeko trenetan (Media Distancia eta Avant trenetan) eta Zabalera metrikoko trenetan bidaia dezakezu Galiziako Autonomia Erkidegoan, Estandar edo Turista klaseko eserlekuan. Tren turistikoak izan ezik.
- Abonamendu pertsona bakarra, izenduna eta besterenezina da.
- Galicia Rail Pass-en prezioa 25 € da helduentzat, eta 10 € 14 urtetik beherakoentzat.
- Geltokietako leihatiletan eros dezakezu abonamendua (Zabalera metrikoko geltokietan izan ezik).
- Galicia Rail Pass-ek 7 egunerako balio du erosten den unetik hasita, eta hiru egunez jarraian erabil dezakezu lehen aldiz balioztatzen den unetik aurrera.
- Abonamendua asteburuetan (ostiraletik igandera), zubietan eta jaiegunetan erabil dezakezu. Udako denboraldian, ekainaren 1etik irailaren 30era (biak barne) asteko egun guztietarako balio du.
- Abonamendua ezin da aldatu. Doan baliogabe dezake, erabili ez bada, geltokietako leihatiletan (Zabalera metrikoko geltokietan izan ezik).
- Deskontua ezin da beste deskontu batzuei pilatu, Familia ugariarena izan ezik.