Trenez bidaiatzeak abantaila ugari ditu: azkarra, erosoa eta jasangarria da eta, gainera, autoaz arduratu beharrik gabe paisaiaz gozatzeko aukera ematen digu. Renfen Europako hainbat helmuga eskaintzen ditugu, eta gure trenei esker iritsi ahal izango zara. Gehiago jakin nahi duzu? Jarraitu irakurtzen eta ezagutu Europan zehar bidaiatzeari buruzko behin betiko gida!
Trenak Europan
Europak kontinentea zeharkatzen duen trenbide sare zabala du, eta herrialde bakoitzeko hiriburuak eta hiri nagusiak ordu gutxitan konektatzeko aukera ematen du. Gainera, Europa zeharkatzea ez zaizu asko kostako; kontinentearen azalera ez da oso zabala, eta herrialde bakoitzeko hiriburu eta hiri garrantzitsuenen arteko ibilbide nagusiak 5 ordu ingurukoak izaten dira.
Trenez bidaiatu Frantziara
- Marseilla
Joan harago eta maitemindu Marseilla eta Mediterraneoarekin. Hiri hau Frantziako hiririk zaharrena da eta sekulako historia du. Trenetik jaitsi bezain laster Marseille St Charles geltokia ezagutu ahal izango duzu, erdigunetik 1,5 km-ra.
- Nîmes
Nîmes historiaz betetako txokoak ditu, iraganera egindako bidaia da, orainaren eta modernitatearen eskua utzi gabe. Bere kaleek harrituta utziko zaituzte eta ibili noraezean bere kaleetan barrena. Hiriak besoak zabalik hartzen zaitu lehen unetik. Nîmeseko tren-geltokia hirian kokatuta dago, eta horrek ezin hobea egiten du hemendik bere kaleak ezagutzeko.
- Lyon
, Frantziako hirugarren hiria Rodano eta Saona ibaiek bustitzen dute. Kulturaz beteriko hiria da, eta gastronomia bikaina eta ardogintza tradizio aberatsa ditu. Ezagutu Lyon hiria Lyon Part Dieu geltokitik.
- Aix en Provence
Jatorri erromatarra duen Aix-en-Provence, Provenzaren bihotzean kokatuta dago. Hiri koloretsua da, klima bikaina eta bisitariari eskaintzeko asko duena. Aix-en-Provence TGVko geltokia Frantziako LGV Méditerranée-n dagoen tren-geltokia da. Vitrolles hiritik gertu (7 km) eta Aix-en-Provenceren 15 bat kilometro hego-mendebaldera dago.
- Avignon
Avignon Provenza – Alpeak – Kosta Urdina eskualdearen barruan dagoen eta Rodano ibiaren ertzean dagoen hiri eta komuna frantziarra da. Avignon - TGV tren-geltokia Frantziako garraio-sarearen lotura bat da, eta Avignon inguruko eskualdera (Vaucluse, Provenza-Alpeak-Kosta Urdina) joateko aukera izango dute bidaiariek. Leku horri esker, errepide bidezko beste garraio batzuekin erraz konektatzeko aukera ematen du, beharrezkoa izanez gero.
- Montpellier
Ezagutu trenez Okzitania eskualdean dagoen Frantzia hegoaldeko hiri hau. Bi ibaik zeharkatzen dute, Lez eta Mosson, eta itsasotik 11 km-ra, izaera bakarra duen hiria da. Montpellier-Saint-Roch tren geltokia Frantziako tren geltokia da, Montpellier hirian, Hérault departamenduan, Okzitaniako eskualdean.
- Narbona
Narbona klima mediterraneo leuna duen kostaldeko hiria da, eta Narbonako hondartzagatik ezagutzen da. Bere ondare historiko eta kulturala harribitxi bat da, 2.500 urtera arte egin behar da atzera, alajaina! Narbonako geltokia hiriko tren-geltoki nagusia da. Hiriaren erdigunetik 10 minutura dago oinez.
- Perpignan
Ekialdeko Pirinioetako hiriburua den eta Espainiarekin muga egiten duen Perpignan galdu ezin duzun helmuga da. Hiriak inguru pribilegiatua du Mediterraneoko kostaldearen eta Canigóko mendigune ikaragarriaren ondoan, hau da, itsasoaren eta mendiaren artean. Perpignan-eko geltokia hiriaren erdigunetik 2 km-ra dago.
- Valence
Frantzia hegoalderako sarrerako atea eta Drôme eskualdeko hiriburura da Valence. Rodano bailarako hiri zoragarria da, Hiri Historiko-Artistikoa zigiluarekin saritua. Valence - TGV tren-geltokia Frantziako garraio-sarearen loturao bat da, eta Alixan inguruko eskualdera (Drôme, Auvernia-Ródano-Alpes) joateko aukera ematen die bidaiariei.
Oporto urrats bakar batera
Interrail: Europa zure esku-ahurrean
Europa zeharkatzeko modu erraz eta iraunkorra, eta, gainera, esperientzia sinesgaitzak eta oso aberasgarriak biziko dituzu: Interrail-a.
Txartel horri esker, Europako 30 herrialde baino gehiagotan trenez edo itsasontziz bidaiatu ahal izango duzu, Italia eta Greziaren kasuan. Txartela pertsonala eta besterenezina da eta prezio bereziak ditu 28 urtetik beherakoentzat eta 60 urtetik gorakoentzat.
Bi pase mota daude: Global Pass-ek nahi dituzun herrialdeak zeharkatzeko aukera ematen dizu eta One Country Pass-ek herrialde bakarra sakon ezagutzeko aukera ematen dizu.
Ausartu Interrail-ekin benetako esperientzia europarra bizitzera!