Renfek Gasteiz eta Madril arteko distantzia ertaineko zerbitzuko maiztasun guztiak berreskuratuko ditu hurrengo apirilaren 3tik aurrera. Horrela, COVID-19agatiko osasun-krisia sortu aurretik zegoen eskaintzako zerbitzu-kopuru berera itzuliko da.
Gasteiz eta Madril arteko lotunean, Renfek asteko 10 maiztasun gehiago izango dituenez, 5 norabide banatan, oso-osorik berreskuratuko du pandemiaren aurretiko eskaintza.
Hartara, apirilaren 3tik aurrera, Gasteiztik 7:40an irteten den eta Madrilgo P. Píora 13:25ean heltzen den 18010. trena astelehenetik larunbatera egongo da abian (orain, astelehenetan baino ez dago abian).
Alderantzizko norabidean, Madrilgo P. Píotik 17:12an irteten den eta Gasteizera 23:00etan heltzen den 18065. trena asteko egun guztietan egongo da abian, larunbatetan izan ezik (orain, igandeetan baino ez dago abian).
Tren zk. Irteera Helduera Zirkulazioko egunak
Gasteiz-Madril P. Pío
18010 7:40 13:25 A-A-A-O-O-L
Madril P. Pío-Gasteiz
18065 17:12 23:00 A-A-A-O-O-I
Zerbitzu berri hauetarako guztietarako bidaia-txartelak salgai daude jadanik. Renfeko kanal ofizialen bidez galdetu besterik ez duzu: geltokietako leihatilak, Renferen aplikazioa, 912 320 320 telefonoa, txartel-makinak, Correoseko bulegoak eta www.renfe.com webgunea.