De entre as catedrais francesas góticas, as que se atopan en Béziers destacan polo impresionante da súa disposición e tamén pola importancia que tiveron na historia. En efecto, Béziers é considerada aínda hoxe como a cidade herexe. Isto débese á vinculación da súa historia á dos cátaros, un dos movementos herexes máis polémicos da historia da cristiandade. Ofrecémosche coñecer as catedrais francesas góticas máis representativas da vila de Béziers cos trens AVE a Francia de Renfe, o AVE Internacional que te leva de forma cómoda, rápida e limpa entre España e Francia.
Coa caída do imperio Romano, estendeuse a partir do século V d. C. o caos por todo o mundo que quedaba baixo a súa influencia. Tanto foi así que as propias cidades pareceron quedar como desleixadas de toda orde. A orde social empezou a reconstituírse moi lentamente. Fíxoo a partir daquelas cidades que conservaban algún tipo de poder para garantir a lei: xa que desaparecera o poder político, ese papel fíxoo o relixioso. Foi así como as persoas empezaron a refuxiarse en cidades que contaban con Sé Episcopal. Así foi no caso de cidades coma Pamplona en España e coma Béziers en Francia. É por iso polo que falamos dunha cidade que xa era crucial no século V. Co paso do tempo foino por outros motivos, aínda que sempre o foi con razón.
A Catedral de Béziers está construída sobre un emprazamento no que previamente había un templo dedicado a Augusto, o primeiro emperador romano. Constitúe un dos exemplos máis representativos do que son as catedrais francesas góticas en Béziers e, en xeral, en todos os exemplos que podemos atopar en Francia. Hai moitas persoas ás que este tipo de catedrais lles recordan a Notre Dame, como non podería ser doutra maneira. A de Béziers, con todo, polo seu impoñente tamaño e polo privilexiado da súa localización, é sen dúbida unha marabilla a moitos niveis.
Detalle exterior da Catedral de Béziers
Sábese que a súa construción empezou no século VIII xa que temos constancia disto a partir dalgúns coñecementos da época. Porén, a catedral propiamente dita (co seu estilo gótico actual) non empezou a xestarse ata o século XIII. Como é natural, tardouse varios séculos máis en concluíla. Por engadido, as sucesivas modificacións e ampliacións facían que en moitos casos estas obras se prolongasen máis do previsto. Esa é a razón pola que en moitas catedrais podemos atopar estilos arquitectónicos distintos mesturados nun conxunto ecléctico. De feito, as catedrais son unha boa forma de ver como a sociedade cambiaba e incorporaba elementos propios ao cabo das xeracións.
Foi en 1209 cando se produciu unha guerra intestina en Francia camuflada baixo pretextos relixiosos. Porén, como tantas veces, os propósitos eran máis ben froito dos intereses políticos. Foi por iso que, durante a guerra, Béziers foi asediada. O encargado do asedio preguntoulle ao Papa como podería distinguir á hora de atacar Béziers quen das seus xentes eran herexes e quen non. O Papa dixo: «Matádeos a todos e que Deus distinga». Esta anécdota fixo tristemente famosa a Béziers pola masacre que sufriu. Porén, a súa catedral foi, de feito, o escenario en gran parte da resistencia. Os seus muros contribuíron a protexer aos que querían salvar a vida.
Para facérmonos unha idea de que é o que hai de fondo ao contemplar as catedrais francesas góticas, debemos comprender quen eran os cátaros e por que foron perseguidos e reprimidos daquela maneira.
Os cátaros considerábanse a si mesmos coma os verdadeiros cristiáns. Porén, entre as súas herexías atopábanse, por exemplo, a idea de que o mundo fora creado por Satanás e que a reencarnación existe. Isto, de fondo, tiña implicacións moi negativas en contra do que o punto de vista oficial da Igrexa defendía.
O Languedoc era a rexión na que se atopaban os cátaros. Por iso, hoxe en día chamamos a «Ruta dos Cátaros» á que abrangue varias cidades que fundamentalmente están entre Toulouse e Montpellier. Cos trens Alta Velocidad Internacional de Renfe, é posible visitalas todas cunha boa frecuencia, con moita comodidade na viaxe e, por suposto, con moita beleza na súa paisaxe. A puntualidade é outra das vantaxes que poderás obter á hora de chegar ao noso destino: a estación de Béziers.
Respecto aos cátaros e a catedral de Béziers, debemos recordar que é un escenario importantísimo para comprender o que sucedeu. En 1209, cando se iniciou o asedio da cidade de Béziers, porque buscaran alí refuxio un grupo de aproximadamente 200 cátaros, a cidade preparouse para resistir. Estaba poboada por aproximadamente 20.000 persoas naquela época. Unha cifra respectable para tratarse do século XIII.
Cando comezou o asedio da cidade dise que mesmo lanzaron polas murallas as copias do Antigo Testamento en sinal de repulsa á Igrexa. Finalmente, o exército conseguiu romper o asedio e entrou na cidade. A catedral de Béziers foi incendiada e derrubouse esmagando a todos os que se refuxiaban. Aínda que había uns 200 cátaros, foron executados os 20.000 habitantes da cidade. Un castigo sanguento e desapiadado, sen dúbida.
Béziers é un dos lugares máis interesantes desde o punto de vista histórico e monumental de Francia. As catedrais francesas góticas supoñen un reclamo suficiente para visitar con Renfe Béziers e, en xeral, a «Ruta dos Cátaros».
Rememorar a súa historia é posible dunha forma sinxela, rápida e puntual cos trens AVE a Francia de Renfe. En pouco tempo poderás estar na cidade de Béziers e gozar da súa historia. Igualmente, é un bo xeito de empezar a ruta dos cátaros coñecéndoa xa de antemán.