Coñeces xa a capital da gastronomía e da seda, declarada en 1998 Patrimonio da Humanidade pola Unesco? Dividida en nove distritos, as rúas de Lión viron transcorrer máis de dous mil anos desde que os romanos a sinalaron como capital das Tres Galias no século I d. C. Agora, cos trens Alta Velocidad Internacional de Renfe, poderás trasladarte ao corazón de Lión en menos de cinco horas desde Barcelona. Sube aos nosos AVE a Francia!
Desde as súas orixes, Lión desempeñou un papel primordial no desenvolvemento da política, cultura e economía europea e tanto os seus monumentos coma toda a súa estrutura urbana son testemuñas vivos desa importancia.
En primeiro lugar, cabe salientar o outeiro de Fourvière, ao cal se pode acceder en funicular, o máis antigo do mundo, e que constitúe primeiro barrio histórico en Francia declarado Patrimonio da Humanidade.
A herdanza romana permanece aínda visible, dada a conservación de distintos recintos dedicados á celebración de espectáculos (entre os que destacan o teatro romano e o Odeón), como tamén distintas capelas e a basílica de Notre-Dame de Fourvière, que deron orixe ao actual Festival das Luces da cidade.
Outeiro de Fourvière
Resulta imposible pasar por alto o barrio renacentista do «Vieux Lyon», intacto desde a época medieval á beira do Saona e o máis indicado para perderse paseando e saboreando os pratos típicos da gastronomía local nun dos seus múltiples «bouchons» ou gozando da singular arquitectura dos famosos «trabouis», pasaxes medievais que comunican os edificios e rúas paralelas sen saír ao exterior.
A zona do «Vieux Lyon» divídese en tres barrios ou seccións. A primeira delas, núcleo político-relixioso durante a Idade Media, sería Saint-Jean, que acolle a catedral de Saint-Jean, famosa polo seu reloxo astronómico e a Manécanterie, edificio adxunto e antiga escola do coro que hoxe en día integra o Museo dos tesouros da catedral.
A segunda sección, Saint Paul, acolle os famosos «hôtels», residencias urbanas dos séculos XV e XVI. Destacan o Hôtel de Gadagne (actual Museo Histórico de Lyon) e o Hôtel Bulliod, como tamén o Templo da Bolsa, que se orixinou como bolsa de valores da cidade e hoxe en día acolle unha igrexa protestante.
Por último, o terceiro barrio é Saint Georges, cuxas rúas ampararon aos traballadores da industria da seda durante o s. XVI.
No mesmo centro de Lión, atópase a Presqu'île, centro comercial e urbano de gran atractivo patrimonial, cultural e artístico, rodeado polo Saona e o Ródano, que se estende ata La Croix-Rousse.
O máis popular desta zona é sen lugar a dúbida as súas impresionantes prazas, en particular a Place des Terreaux, que alberga o Hôtel de Ville ou Concello, construída no s. XVII e reformada no s. XVIII despois dun incendio.
Preto da Place des Terraux, destacan a Ópera Nacional e a Place Bellecour, coas estatuas Árbol-Flor e o rei Sol coroando o seu centro e unhas espectaculares vistas nocturnas, en que se albisca a basílica da Fourvière iluminada ao lonxe.
Sobre o outeiro da Croix-Rousse, esténdese o singular barrio que foi no seu día o centro da industria da seda e cuxos restos son visibles hoxe na Montée de la Grande Côte, importante rúa desde a Idade Media. A raíz da influencia de varias congregacións relixiosas xurdiron diversos edificios como a Igrexa de Bruno des Chartreux, único templo barroco da cidade, ou o Convento de Saint Marie des Chaînes.
Ao mesmo tempo, artesáns e comerciantes da seda trasladáronse a este barrio e inspiraron o ambiente sereno e peculiar das súas rúas, xunto ao famoso «traboulle» de Cour des Voraces.
Outra das razóns pola que Lión é moi coñecida é, sen dúbida, polo Plan Lumière, que consiste na iluminación de máis de 200 edificios e monumentos de interese, inspirado sen dúbida polos irmáns Lumière, creadores do cine cuxa casa acolle actualmente o Instituto Lumière, tamén chamado Museo da Luz, que posúe obxectos insólitos, rarezas e unha gran sala de proxección cinematográfica para os amantes do cine.
Agora que tes toda esta información, non che gustaría estar alí xa para velo cos teus propios ollos? Reserva xa o teu billete de tren a Lión!
Nós facilitámosche o transporte de maneira cómoda, rápida e sostible, grazas aos nosos trens Alta Velocidad Internacional entre España e Francia. Cal será a túa próxima visita cultural? Ti elixe como queres a viaxe, nós poñemos os destinos e o transporte. Coñeces os nosos descontos? Aprovéitaos e obtén o mellor prezo no teu billete de tren.