Barcelona

Vibrante e dinámica, Barcelona non para
 

Con ganas de descubrir os plans que Barcelona che ofrece? Descubre que ver e facer nesta gran cidade! Compra xa o teu billete de tren, fai as maletas e vive Barcelona con Renfe. Temos os mellores descontos e a gama máis ampla de billetes para adaptarnos a ti. 

Plans en Barcelona

Xa tes os teus billetes de tren a Barcelona? Pois segue a ler para descubrir os mellores plans e sacar o máximo partido da túa viaxe:

• A cidade dos mil plans! En Barcelona poderás gozar desde exposicións, como a de Antonio López na Pedrera ou a de Miró-Picasso que te deixarán abraiado, concertos dos teus artistas favoritos, festivais ou ata eventos tan orixinais como Barcelona Design Week ou a Semana da Ciencia. E é que Barcelona ten unha axenda única! Bota unha ollada á súa axenda cultural e non perdas nada.
• Descubre a cidade a fondo co Barcelona City Tour, o mítico autobús hop-on hop-off co que poder percorrer e visitar a cidade ao teu ritmo. Ademais, cos Rodalies de Catalunya goza do Billete Combinado Barcelona City Tour cun desconto especial. Asegurámosche que non che quedará nada por ver!
• Por que non saír de excursión aos seus arredores? Descubre lugares como Sitges e as súas incribles praias ou aproveita e visita Salou e o PortAventura World. Gargalladas e diversión aseguradas! Ademais, benefíciate da oferta de billete combinado Renfe - PortAventura.
• Se es amante da natureza, tamén che propoñemos que visites o Parc Natural del Montseny, unha espectacular Reserva da Biosfera con máis de 50 000 hectáreas onde poder gozar de impresionantes paisaxes. Este traxecto tamén o podes facer cos Rodalies de Catalunya co Billete Combinado Parc Natural del Montseny. O billete inclúe tanto o traxecto en tren coma o autobús que te levará desde a estación de Cercanías ata o propio parque. Déixate levar!

Barcelona marida contigo  

Buscas un plan diferente? Que tal un plan de enoturismo? Tanto se es amante do viño ou simplemente queres coñecer máis, Barcelona ofréceche descubrir e degustar os mellores viños da zona. Conta cunha variedade case infinita, así que hai para todos os gustos: brancos, tintos, rosados, do mar, da montaña ou mesmo cavas.

Poderás participar en catas, visitar adegas, facer rutas e outros plans relacionados co viño que sen dúbida te deixarán co mellor sabor de boca, brindamos?

Ben merece unha visita

Máis aló da súa insignia arquitectónica, a Sagrada Familia, a maioría das creacións da cidade transportarante a mundos imaxinarios que teñen ben merecido o seu recoñecemento como Patrimonio da Humanidade pola Unesco.

O seu legado tampouco te deixará indiferente; só tes que ver a fachada e o interior do Palau da Música de Domènech e Montaner para quedar abraiado polos tons vivos que proxectan as súas vidreiras.

Quizás, debido a ese halo máxico que Gaudí deixou en Barcelona, tamén é coñecida como a cidade dos dragóns. Se observas, seguramente atoparás escamas e gadoupas en máis dunha esquina das súas rúas.

A historia cosmopolita de Barcelona déixanos rastros do Imperio romano, catedrais góticas que inspiraron novelas e castelos medievais que son unha marabilla. Aquí atoparás unha fusión perfecta entre natureza, lecer e cultura.

Rúas cheas de vida, dende Verdi, onde podes degustar vermú caseiro ou mercar un produto vintage, seguindo o Paseo de Gracia, o Barrio Gótico ou Las Ramblas. Non esquezas entrar no Mercado de La Boquería para embriagarte cos olores e sabores do mar e da terra.
 

Como chegar a Barcelona

Desde Renfe queremos poñercho fácil, por iso contamos con múltiples trens AVE, Avlo e Larga Distancia con destino Barcelona, para que viaxes connosco da forma máis cómoda, rápida e sostible.

Descubre algunhas das nosas rutas a Barcelona:
 

Coñece un pouco máis de Barcelona Sants e outras estacións de tren de España:

• Estación Barcelona Sants