Viaxa co teu mellor amigo!
 

Nos trens Ave e Larga Distancia podes viaxar coa túa mascota sempre que:

  • se trate de pequenos animais de compañía: cans, gatos, furóns e aves non de curral.
  • non pesen máis de 10 kg
  • viaxen sempre dentro da súa gaiola ou caixa de viaxe, cunhas medidas máximas 60x35x35 cm
  • máximo 1 mascota por persoa
  • o teu billete permite viaxar cunha mascota

Sempre deben viaxar co seu propio billete de mascota e non ocupar praza. O billete de mascota é gratuíto se viaxas con billete Prémium. Se o teu billete é Básico ou Elige, só terás que pagar 10 euros máis para poder levar a túa mascota. 

Nos trens Media Distancia e Avant, podes viaxar coa túa mascota sempre que:

  • se trate de pequenos animais de compañía: cans, gatos, furóns e aves non de curral.
  • non pesen máis de 10 kg
  • viaxen sempre dentro da súa gaiola ou caixa de viaxe, cunhas medidas máximas 60x35x35 cm
  • máximo 1 mascota por persoa

A túa mascota non ocupa praza. O custo do billete é dun 25 % do prezo da Tarifa Xeral.

En trens de Cercanías:

  • A túa mascota viaxa gratis contigo e non necesita billete
  • Admítense animais domésticos (cans, gatos e aves) sen límite de peso e suxeitos cunha correa e bozo
  • Non cómpre que viaxen na súa gaiola ou caixa de viaxe
  • máximo 1 mascota por persoa


Ten en conta que, nas viaxes con billete combinado de tren+bus, non se admiten mascotas.

O cans de guía e asistencia viaxan sempre de balde e non están suxeitos a limitacións de peso ou transporte.

Antes de viaxar, consulta as condicións de transporte e a documentación necesaria para que a túa mascota e mais ti gocedes dunha viaxe segura e cómoda.
 

Comproba todas as condicións

Se viaxas en trens AVE ou Larga Distancia cun billete Prémium, o billete da túa mascota é gratuíto. Se o teu billete é Básico ou Elige, só terás que pagar 10 euros máis para poder levar a túa mascota. 

Cans de máis de 10 quilos? Benvidos a bordo!

 


Ata o 15 de decembro, lanzamos unha proba piloto para viaxar con cans de ata 40 quilos nos nosos trens.

Esta acción, que conta co asesoramento de Nestlé Purina, lánzase nos trens AVE da liña Madrid-Barcelona e permite viaxar cun can grande por persoa (máximo de dous cans por tren).

Renfe e Nestlé Purina elaboraron unha guía de viaxe con recomendacións para asegurar o benestar do animal durante o traxecto como, por exemplo, levar a súa propia manta e xoguete sen son ou evitar alimentalo durante as tres horas previas á viaxe para previr mareos.

Este servizo está xa dispoñible para os trens nos que se realiza a proba piloto. Podes compralo en liña, engadindo o extra no momento da compra do teu billete.


Ten en conta que este extra está dispoñible exclusivamente para billetes Elige Estándar e non permite selección de asento, xa que as prazas para cans de máis de 10 quilos están preestablecidas. Non admite cambios, pero si anulación (condicións propias do billete Elige Estándar ou o extra Reembolso Total se o adquiriches). Entregarémosche un kit de viaxe (funda para o asento e alfombriña que deberás colocar) e unhas lambetadas para a túa mascota, que terás que recoller 30 minutos antes do embarque no Centro de Servizos.

Lembra que antes de iniciar a túa viaxe terás que cubrir e asinar a declaración responsable e cumprir as obrigas das condicións de servizo:
 

Deberás recoller o kit de viaxe para a túa mascota 30 minutos antes do embarque no Centro de Servizos. Boa viaxe!