A Tarjeta +Renfe Joven permíteche beneficiarte de descontos importantes ao mercar os teus billetes para viaxar nos trens Ave, Larga Distancia, Avant, Media Distancia e Cercanías/Rodalies. Ademais, gozarás de todas as vantaxes do programa de fidelización +Renfe. Podes adquirir a túa Tarjeta +Renfe Joven na seguinte ligazón.
Ao comprala recibirás o teu número de cliente e poderás adquirir os teus billetes con desconto asegurado, que variará en función do tipo de tren no que queiras viaxar. A tarxeta ten unha validez dun ano.
Os billetes adquiridos coa túa Tarjeta +Renfe Joven admiten cambios e anulacións, sempre que o teu billete o permita e poden estar suxeitos a gastos.
Trátase dunha tarxeta nominativa e intransferible e o seu prezo é de 50 €.
O Carné Xove, expedido pola túa Comunidade Autónoma, permíteche mercar billetes cun 20 % de desconto para viaxar en Avant, Media Distancia e rexionais da rede de Feve. En trens Ave e Larga Distancia aplicarase un desconto do 5 % sobre calquera prezo dispoñible.
Tamén son válidos outros carnés internacionais como o European Youth Card, emitido nos países asociados á EYCA (European Youth Card Association), o carné internacional de estudante ISIC (International Student Identity Card) e o Carné Xove internacional IYTC (International Youth Global Card), así como o carné internacional de viaxes para xente nova GO 25 (IYTC).
Os billetes adquiridos co teu Carné Xove admiten cambios e anulacións, sempre que o teu billete o permita e suxeito a gastos.
Tamén podes obter o teu Carné Xove asociado a unha tarxeta de crédito ou débito de entidades bancarias colaboradoras.