Viaxa coa túa mascota!

Viaxa coa túa mascota de ata 10 quilos

En trens AVE, AVE Internacional entre España e Francia e Larga Distancia, podes viaxar coa túa mascota sempre que:

  • se trate de pequenos animais de compañía: can, gatos, furóns, hámsteres, cobaias, coellos e aves non de curral.
  • non pesen máis de 10 kg
  • viaxen na súa gaiola ou caixa de transporte, de medidas máximas 60x35x35 cm, ou sen caixa de transporte por 35 € naqueles trens que teñan prazas preestablecidas para cans de ata 40 quilos.
  • máximo 1 mascota por persoa
  • o teu billete permite viaxar cunha mascota

Sempre deben viaxar co seu propio billete de mascota e non ocupar praza. O billete de mascota é gratuíto, se viaxas con billete Premium (opción non dispoñible en trens AVE Internacional). Se o teu billete é Básico ou Elige, só terás que pagar 10 €, se viaxa en caixa de transporte, para poder levar a túa mascota.

Ademais, existe a posibilidade de viaxar co teu can sen caixa de transporte por 35 € naqueles trens que teñan prazas preestablecidas para cans de ata 40 quilos (consulta a listaxe de trens). 

En trens Avlo, podes viaxar coa túa mascota sempre que:

  • se trate de pequenos animais de compañía: can, gatos, furóns, hámsteres, cobaias, coellos e aves non de curral.
  • non pesen máis de 10 kg
  • viaxen na súa gaiola ou caixa de viaxe, cunhas medidas máximas 60x35x35 cm.
  • máximo 1 mascota por persoa

Sempre deben viaxar co seu propio billete de mascota e non ocupar praza. O prezo é de 10 €.

Nos trens Media Distancia e Avant, podes viaxar coa túa mascota sempre que:

  • se trate de pequenos animais de compañía: can, gatos, furóns, hámsteres, cobaias, coellos e aves non de curral.
  • non pesen máis de 10 kg
  • viaxen sempre dentro da súa gaiola ou caixa de viaxe, cunhas medidas máximas 60x35x35 cm
  • máximo 1 mascota por persoa

A túa mascota non ocupa praza. O custo do billete é dun 25 % do prezo da Tarifa Xeral.

Viaxa co teu can de ata 40 quilos

Agora podes viaxar co teu can de ata 40 quilos de peso nalgúns trens AVE da liña Madrid-Barcelona, Madrid-Málaga, Madrid-Alacant, Madrid-Valencia, Madrid-Zaragoza e Madrid-Granada.

Para poder realizar a viaxe, é imprescindible cumprir cos requisitos establecidos, así como presentarse con 40 minutos de antelación no Centro de Servizos Renfe da estación para entregar a declaración responsable, a cartilla de vacinación e a póliza de seguros. Lembra que antes de iniciar a túa viaxe terás que cubrir e asinar a declaración responsable e cumprir as obrigas das condicións de servizo:
 


Condicións de viaxe:

  • orientado a cans de ata 40 quilos de peso.
  • dispoñible en determinados trens AVE dos traxectos Madrid-Alacant, Madrid-Barcelona, Madrid-Málaga, Madrid-Valencia, Madrid-Zaragoza e Madrid-Granada (consulta a listaxe de trens). Ao mercar o teu billete, esta opción vén marcada cunha icona con forma de pegada de can. Se ese tren estivese afectado por algunha incidencia, estará marcado cun aviso en forma de triángulo.
  • máximo 1 can grande por persoa (2 cans grandes por tren nun único coche), agás no traxecto Madrid-Málaga-Madrid e Madrid-Granada-Madrid no que só está dispoñible 1 can grande por tren a partir do 17 de outubro. 
  • o can viaxará no asento contiguo sen caixa de transporte, atado a unha correa de 1,5 metros non extensible e con bozo para camiñar pola estación ou durante o embarque e desembarque do tren.
  • exclusivo para billetes Elige Estándar, podes adquirir este servizo en liña, ata 24 horas antes da saída do tren, engadindo o extra (35 €) no momento da compra do billete.
  • non permite selección de asento, xa que as prazas para cans de ata 40 quilos están preestablecidas.
  • non admite cambios.
  • admite anulación (condicións propias do billete Elige Estándar ou o extra Reembolso Total, se o adquiriches).

Entregarémosche un kit de viaxe (funda para o asento e alfombriña que deberás colocar no chan da praza interior a carón do portelo), que terás que recoller como mínimo 40 minutos antes do embarque no Centro de Servizos de Turismo de saída. Renfe e Nestlé Purina recoméndanche, para asegurar o benestar da túa mascota que, durante o traxecto, leves a súa propia manta, xoguete sen son e evites alimentalo durante as tres horas previas á viaxe para previr mareos.

No resto de trens AVE, AVE Internacional, Larga Distancia, trens Avant e Media Distancia non se permiten cans de máis de 10 quilos.

 

 
 

NOS TRENS DE CERCANÍAS:

  • Admítense mascotas sen límite de peso e coas seguintes condicións de viaxe:

    • A túa mascota viaxa gratis contigo e non necesita billete
    • Admítense animais domésticos (cans, gatos e aves) sen límite de peso e suxeitos cunha correa e bozo
    • Non cómpre que viaxen na súa gaiola ou caixa de viaxe
    • máximo 1 mascota por persoa

ADEMAIS:

  • O cans de guía e asistencia viaxan sempre de balde e non están suxeitos a limitacións de peso ou transporte
  • Nas viaxes con billete combinado de tren+bus non se permiten mascotas.
  • Antes de viaxar, consulta sempre as condicións de transporte e a documentación necesaria para que a túa mascota e mais ti gocedes dunha viaxe segura e cómoda

BOA VIAXE!

Consulta todas as condicións