Se estás pensando en gozar dunhas merecidas vacacións en España, o abono Spain Rail Pass pódeche interesar.

Permíteche escoller o número de viaxes en tren que queres facer, o tipo de asento no que queres viaxar e os lugares que che apetece visitar, porque non ten orixe nin destino predeterminados.

Descubre cidades do Patrimonio da Humanidade, como Toledo, Cuenca, Segovia ou Ávila. O legado árabe de Granada e Córdoba deixarate pampo. Madrid e os seus innumerables museos ou Málaga, a capital da Costa do Sol, tamén son visitas imprescindibles.

Que che ofrece Spain Rail Pass?

  • Pase válido para persoas con residencia fóra de España.
  • O pase é persoal e intransferible.
  • É perfecto para organizar a túa viaxe de lecer por España.
  • No momento da compra, podes escoller o número de viaxes que queres facer (4, 6, 8 ou 10), así como o tipo de asento no que queres viaxar: Estándar o Confort (no disponible en Prémium).
  • Podes usar o teu Spain Rail Pass en todos os nosos trens nacionais de Larga Distancia (incluído o AVE, tren de alta velocidade) e rexionais (trens de Media Distancia e Avant con reserva de praza).
  • Tes ata 6 meses desde a data de compra para realizar a túa primeira viaxe e un mes de validez desde ese primeiro uso.
  • O pase pódese anular durante as 24 horas seguintes á súa compra sen custo. Despois de 24 horas e sempre que non se utilizase, poderase anular cun cargo do 15 %.

Consulta todas as condicións
Consultar e comprar

Para poder viaxar debes formalizar previamente a túa viaxe, é dicir, mercar o billete para o traxecto correspondente. Podes facelo na páxina web accedendo a Os meus Abonos, na túa área persoal, e indicando que día e en que tren queres viaxar. Ou podes mercalo en despachos de billetes, axencias de viaxes ou por teléfono, presentando o teu Spain Rail Pass.

Viaxa sempre co teu pasaporte ou tarxeta de residencia, que te acredita como residente fóra de España. Terás que presentalo xunto co Spain Rail Pass e o teu billete nos controis de acceso.