O programa Más Renfe Joven permíteche beneficiarte de importantes descontos ao comprar os teus billetes para viaxar en trens AVE, AVE Internacional entre España e Francia, Larga Distancia, Avant, Media Distancia e Cercanías/Rodalies. Ademais, gozarás de todas as vantaxes do programa de fidelización Más Renfe. Goza do programa Más Renfe Joven!
Ao facéreste membro recibirás o teu número de cliente e poderás adquirir os teus billetes de tren con desconto asegurado, que variará en función do tipo de tren no que queiras viaxar. Más Renfe Joven ten unha validez dun ano.
Os billetes adquiridos con Más Renfe Joven admiten cambios e anulacións, sempre que o teu billete o permita, e pode estar suxeito a gastos.
O programa Más Renfe Joven é nominativo e intransferible e o seu prezo é de 50 €.
O Carné Xove, expedido pola túa Comunidade Autónoma, permíteche mercar billetes cun 20 % de desconto para viaxar en Avant, Media Distancia e Rexionais da rede de Feve. En trens Ave e Larga Distancia aplicarase un desconto do 5 % sobre calquera prezo dispoñible.
Tamén son válidos outros carnés internacionais como o European Youth Card, emitido nos países asociados á EYCA (European Youth Card Association), o carné internacional de estudante ISIC (International Student Identity Card) e o Carné Xove internacional IYTC (International Youth Global Card), así como o carné internacional de viaxes para xente nova GO 25 (IYTC).
Os billetes adquiridos co teu Carné Xove admiten cambios e anulacións, sempre que o teu billete o permita e suxeito a gastos.
LEMBRA QUE… os menores de 18 anos que vaian viaxar ao estranxeiro deberán dispoñer da documentación requirida consonte o disposto polo Ministerio do Interior.
Tamén podes obter o teu Carné Xove asociado a unha tarxeta de crédito ou débito de entidades bancarias colaboradoras.